Qazaqstandyq ártis Dımash Qudaıbergen túrik tilindegi avtorlyq ánin jaqynda shyǵarǵan bolatyn. Endi ol jankúıerlerine taǵy bir romantıkalyq kompozısıany usyndy, dep habarlaıdy infohub.kz saıty.
Ániniń mýzykasyn Dımash jazǵan, al ony jas ártis Nurtas Sadyrbaev oryndady. Sózin Jarasqan Nurbaı jazǵan. Kompozısıa «Sezim» dep atalady. Dımashtyń aıtýynsha, erteń-aq jankúıerler ándi onyń YouTube-arnasynan tyńdaı alady. Áleýmettik jelilerde paıda bolǵan vıdeoda Nurtastyń ándi oryndap jatqany, al Dımashtyń roıálda otyryp, oǵan sheber súıemeldep jatqany kórinedi.
Bul jarıalanymǵa Dımashtyń ákesi de jaýap berdi. «Óte ádemi án, shabytyń taýsylmasyn», — dep atap ótti ol. Jankúıerler de beıjaı qalmady: «Qandaı mýzyka, qandaı án. Janyń qandaı ádemi shyǵady, Dımash! Sen — armandaǵy prodúsersiń! Nurtas ádemi aıtty, óte názik», «Súıikti Dımash roıálda, ári avtorlyq kompozısıasymen — bul árqashan taǵdyrdyń syıy», «Qandaı án, jylap jiberdim», — dep jazdy olar.