Qazaqstandyq ártis Dımash Qudaıbergenniń jańa avtorlyq áni birneshe elde iTunes charttarynyń kóshin bastady, dep habarlaıdy infohub.kz saıty.
Jýyrda Dımash túrik tilindegi ánin usyndy, onyń mýzykasyn ózi jazdy. "Yazgı" dep atalatyn án tyńdarmandardyń kóńilinen shyǵyp, birqatar elderdegi iTunes mýzykalyq charttarynyń joǵarǵy satylaryn ıelendi.
"Meniń jańa "Yazgı" ánim iTunes charttarynda joǵarǵy oryndardy ıelenýdi jalǵastyrýda. Vengrıada №1. Rýmynıada №1. Latvıada úzdik úshtikte. Ár tyńdalym, ár satyp alý jáne ár jyly habarlama meniń mýzykama álem boıynsha tyńdarmandardy tabýǵa kómektesedi. Mahabbattaryńyz, senimderińiz jáne turaqty qoldaýlaryńyz úshin rahmet. Bul jetistik - bizdiń ortaq eńbegimiz!" - dedi Dımash.
Ártis jankúıerleri áleýmettik jelilerde belsendi túrde tańdanystaryn bildirýde. "Sen bar kúsh-jigeriń men mahabbatyń úshin eń jaqsysyna laıyqsyń, sen erekshe adamsyń, jan-tánińmen án aıtasyń", "Tamasha ánińe tántimin, Dımash", "Án keremet. Osy syılyq úshin rahmet", "Bul ádemi ándi Spotify-da da, YouTube-ta da tyńdaımyn! Rahmet!" - dep jazady jankúıerler.