Ótken aptada dollar baǵamy bir táýlik ishinde 10 teńgege kóterilip, 476,07 teńgege jetken edi. Dúısenbi kúni baǵam túzetilip, 3 teńgege arzandap, 473,4 teńge boldy. Bul týraly infohub.kz habarlaıdy.
Kurs.kz portalynyń dereginshe, Astana, Almaty jáne Shymkent aıyrbastaý pýnktterinde saǵat 15:30-daǵy qolma-qol dollardy satyp alý jáne satý baǵamdary: Astanada satyp alý — 470 teńge, satý — 477 teńge; Almatyda satyp alý 470,9–473,6 teńge, satý 474,4–477 teńge; Shymkentte satyp alý 472–473 teńge, satý 474–475 teńge.
Eýro da demalys kúnderi 2 teńgeden astamǵa arzandady. Búgin saǵat 15:30-daǵy onyń ortasha alyp-satarlyq máni 540,3 teńgeni qurady. Astana aıyrbastaý oryndarynda eýrony 535 teńgeden satyp alyp, 545 teńgeden satady; Almatyda satyp alý 535,5–540 teńge, satý 540–545 teńge; Shymkentte satyp alý 535–538 teńge, satý 540–545 teńge.
Eske sala ketsek, maýsym aıynda Qazaqstannyń aıyrbastaý pýnktterinde dollarǵa suranys eki esege jýyq ósti, al ortasha alyp-satarlyq baǵam mamyrdaǵy 469,52 teńgeden maýsymda 487,85 teńgege deıin kóterildi.