Qazaqstan qor bırjasynda (KASE) dollardyń ortasha ólshengen baǵamy tómendeýdi jalǵastyryp, 454,31 teńgege jetti. Bul demalys kúnderiniń kórsetkishinen 2 teńgege tómen. Bul — sońǵy eki jyldan astam ýaqyttaǵy eń tómengi kórsetkish, dep habarlaıdy infohub.kz.
Eske salaıyq, 2 qyrkúıekte, sársenbide, bırjadaǵy dollar baǵamy 455,4 teńgege deıin tómendep, 2018 jyldan bergi eń tómengi deńgeıge jetken edi. Juma kúni baǵam sál kóterilip, 456,56 teńge boldy, alaıda dúısenbide qaıtadan tómendeı bastady.
Búgingi saýda qorytyndysy boıynsha KASE-de dollardyń ortasha ólshengen baǵamy 454,31 teńgeni qurady. Osylaısha, demalys kúnderi amerıkan valútasy 2 teńgege arzandady.
Qazaqstannyń iri qalalaryndaǵy aıyrbas pýnktterinde saǵat 15:30 jaǵdaıy boıynsha qolma-qol dollardy satyp alý jáne satý baǵamdary tómendegideı: Astanada — satyp alý 452 teńge, satý 459 teńge; Almatyda — satyp alý 449,1-den 455 teńgege deıin, satý 455,3-ten 457,5 teńgege deıin; Shymkentte — satyp alý 454-ten 455 teńgege deıin, satý 455,5-ten 457 teńgege deıin.
Eýro da shamamen 4 teńgege arzandap, búgingi ortasha ólshengen baǵamy 527,46 teńgeni qurady. Eldegi aıyrbas pýnktterinde eýro baǵamy: Astanada — satyp alý 524 teńge, satý 534 teńge; Almatyda — satyp alý 521,5-ten 531 teńgege deıin, satý 529-dan 535 teńgege deıin; Shymkentte — satyp alý 525-ten 529 teńgege deıin, satý 530-dan 535 teńgege deıin.
Aıta ketý kerek, 4 qyrkúıekte, juma kúni, Qazaqstan Ulttyq banki bazalyq mólsherlemeni tómendetti. Bul bolashaqta teńgelik depozıtterdiń tartymdylyǵyn tómendetip, ulttyq valúta baǵamyna qosymsha qysym kórsetýi múmkin.