Djennıfer Enıston men Rız Ýızerspýn basty rólderdi somdaǵan tanymal «Ýtrennee shoý» serıaly aıaqtalýǵa jaqyn. Apple TV+ platformasy besinshi maýsymnyń fınaldyq bolatynyn resmı rastady, dep habarlaıdy ABC News. Derekkóz: infohub.kz
Qorytyndy epızodtardyń premerasy 2027 jyly ótedi.
Aktrısalar men shoýdyń atqarýshy prodúserleri tarıhty aıaqtaý týraly sheshimniń ózara kelisilgen jáne josparly bolǵanyn moıyndady. Enıston komandaǵa alǵys aıtyp, fınaldy aldyn ala oılastyrǵandaryn atap ótti: «Biz bul maýsymnyń sońǵy bolatynyn bildik. Sondyqtan keıipkerlerimizdiń oqıǵalaryn ádemi ári laıyqty aıaqtaı aldyq», — deıdi ol. Ýızerspýn jobadaǵy jumysty ómirindegi mańyzdy kezeń dep atady: «Toǵyz jyl boıy „Ýtrennee shoý" ústinde jumys isteý — men úshin úlken mártebe. Bizdiń serıal árqashan tek teledıdar týraly ǵana emes, sóz bostandyǵy men adal jýrnalısıkanyń mańyzy týraly áńgime boldy», — dep qosty ol.
«Ýtrennee shoý» — Apple TV+ platformasynyń basty jobalarynyń biri. Serıal servıs jumys isteı bastaǵan alǵashqy kúni — 2019 jylǵy 1 qarashada jaryq kórdi. Tórt maýsym ishinde joba bedeldi «Emmı» syılyǵynyń 28 nomınasıasyna ıe bolyp, búkil álem boıynsha mıllıondaǵan kórermenniń súıispenshiligine bólendi. Qazir besinshi maýsym ázirlený ústinde, al jasaýshylar jankúıerlerge jarqyn ári este qalarlyq fınal syılaýǵa ýáde beredi.