Qazaqstan turǵyndary eGov portalyn qosa alǵanda, memlekettik sıfrlyq platformalardyń jumysynda ýaqytsha shekteýler bolýy múmkin ekeni týraly eskertildi. Bul týraly «Ulttyq aqparattyq tehnologıalar» aksıonerlik qoǵamy (UAT) habarlady, dep habarlaıdy infohub.kz.
UAT-tyń Instagram-daǵy resmı paraqshasynda memlekettik qyzmetterdi sıfrlyq formatta kórsetý sapasyn jaqsartýǵa baǵyttalǵan tehnıkalyq jumystar júrgizý týraly habarlandy.
«Osyǵan baılanysty 18 shilde saǵat 21:00-den 19 shilde saǵat 08:00-ge deıin «UAT» AQ súıemeldeıtin jobalardyń qoljetimsiz bolýy múmkin. Yqtımal qolaısyzdyqtardy boldyrmaý úshin barlyq qajetti operasıalardy aldyn ala aıaqtaý usynylady», — delingen habarlamada.