Qarjy monıtorıńi agenttigi Interpoldyń kómegimen halyqaralyq izdeýde júrgen Ulan Baıbolovty Qazaqstanǵa qaıtardy. Ony Koreıa Respýblıkasynan ekstradısıalady, dep habarlaıdy infohub.kz saıty.
Tergeý derekteri boıynsha, Baıbolov salyqtardy jáne búdjetke tólenetin basqa da mindetti tólemderdi júıeli túrde aınalyp ótken uıymdasqan qylmystyq toptyń múshesi bolǵan.
«Qylmystyq áreket sqemasy kásiporyndardy nomınaldy basshylarǵa satyp alý jáne qaıta tirkeý, olardyń banktik shottary arqyly qarjy operasıalaryn júrgizý, salyq eseptiligine ádeıi burmalanǵan málimetterdi engizý jáne keıinnen aqshany jnaqtaý boldy», — dep habarlady agenttikte.
Sqemada qoldanylǵan kásiporyndardyń biri «Sfera» JSHS boldy — 2014 jyly Baıbolov osy kompanıanyń dırektorynyń orynbasary bolyp taǵaıyndaldy. Top músheleri JSHS-tiń esep aıyrysý shottarynan 2,5 mlrd teńgeden astam aqshany jnaqtaǵan, al qosymsha eseptelgen salyq somasy 1 mlrd teńgeden asty.
Sot Baıbolovqa qatysty kúzetpen ustaý túrindegi bultartpaý sharasyn sanksıalady. İs boıynsha tergeý jalǵasýda, ózge aqparat Qazaqstan QPK-niń 201-babyna sáıkes jarıa etilmeıdi.
Agenttikte adam zańda belgilengen tártippen kinási dáleldenip, zańdy kúshine engen sot úkimimen rastalǵanǵa deıin kinásiz bolyp sanalatynyn eske saldy.