2024 jylǵy Olımpıada oıyndarynda altyn medal jeńip alǵan qazaqstandyq dzúdoshy Eldos Smetov kelesi Olımpıadaǵa qatysý týraly sheshim qabyldady, dep habarlaıdy infohub.kz saıty.
Basylymnyń málimetinshe, Eldos Smetov Los-Andjeleste ótetin 2028 jylǵy Olımpıada oıyndaryna qatysýdy uıǵarǵan.
«Tórtinshi Olımpıadaǵa barý múmkindigi bar. Bul múmkindikti barynsha paıdalaný úshin úlken sporttaǵy kareramdy jalǵastyrýdy sheshtim. Óıtkeni qazaqta "Altyn tapqan jerdi qaz" degen maqal bar. Meniń ómirimde altyn tapqan jerim — sport, dálirek aıtqanda, dzúdo. (...) Men ózime tıesili, maǵan qajet altyndy alýym kerek. Óıtkeni men ol úshin altynnan da qymbat nárselerimdi beremin. Bul — meniń densaýlyǵym», — dedi olımpıada chempıony Aqyrys Seitqazy YouTube-arnasyna bergen suhbatynda.
Eske salaıyq, Eldos Smetov Qazaqstan tarıhyndaǵy eń joǵary ataqty olımpıadashy atandy: ol Rıo-de-Janeıro-2016-da kúmis, Tokıo-2020-de qola, al Parıj-2024-te altyn medal jeńip alyp, medaldardyń tolyq jıyntyǵyn ıelendi.