Qazaqstan premer-mınıstri Oljas Bektenov Kýrchatov qalasynda qýaty 700 MVt elektr stansıasyn salý jónindegi ınvestısıalyq kelisimdi bekitetin qaýlyǵa qol qoıdy. Jobanyń jalpy quny 881 mlrd teńgeni quraıdy, dep habarlaıdy infohub.kz saıty.
Kelisim Qazaqstan Respýblıkasy Energetıka mınıstrligi men «GRES Kýrchatov» JSHS arasynda jasaldy. Jańa kondensasıalyq elektr stansıasy Abaı oblysynyń Kýrchatov qalasynda ornalasady.
Qujatqa sáıkes, árqaısysynyń qýaty 350 MVt bolatyn eki energoblokty 2032 jylǵa deıin kezeń-kezeńmen iske qosý josparlanýda. Stansıa iske qosylǵannan keıin jylyna 5 mlrd kVt/saǵ-qa deıin elektr energıasyn óndire alady. Joba shamamen 4,4 myń jumys ornyn qurýdy kózdeıdi.
«Stansıa joǵary qysym men temperatýra parametrlerinde jumys isteýge eseptelgen zamanaýı bý-kúsh jabdyǵymen jabdyqtalady, "taza kómir" tehnologıalary qoldanylady», — delingen úkimet málimdemesinde.
Qorshaǵan ortaǵa áserdi azaıtý úshin jobaǵa Ekologıalyq kodekske jáne qoljetimdi úzdik tehnıkalar talaptaryna sáıkes gaz tazartý, shyǵaryndylardy súzý jáne shańdy basý júıeleri kiredi.