Álemdegi eń úlken tolyq elektrlik ushaq synaq ushýyn sátti aıaqtap, tańǵalarlyq únemdiligin kórsetti: 27 mınýt áýede bolý nebári 5 dollar turatyn elektr energıasyn qajet etti, dep habarlaıdy infohub.kz saıty.
Heart Aerospace kompanıasy óziniń tolyq kólemdi X1 elektrushaǵynyń synaǵyn ótkizdi. Salmaǵy 11 tonnadan asatyn áýe kemesi Nú-Iork shtatynyń soltústigindegi Plattsbýrg halyqaralyq áýejaıynan kókke kóterilip, shamamen 335 metr bıiktikke jetti. Qanattarynyń uzyndyǵy 32 metrden asatyn X1 ázirge ushqan eń úlken elektrushaq atandy.
Model bortyndaǵy akýmýlátorlardan qýat alatyn tórt elektr qozǵaltqyshymen jabdyqtalǵan. Ushý kezinde ushaq bir megavatttan astam energıa jumsady. Bul prototıp aımaqtyq áýe tasymalyna arnalǵan 30 oryndyq ES-30 gıbrıdti jolaýshy ushaǵyn jasaýǵa negiz bolady.
Kompanıa negizin qalaýshy Anders Forslýndtyń aıtýynsha, sátti ushý elektr tartymynyń komersıalyq avıasıada qoldanylýynyń naqty ekenin dáleldeıdi. ES-30 modelin paıdalaný 2031 jylǵa josparlanǵan. Mundaı tehnologıalardy engizý áýe kompanıalarynyń operasıalyq shyǵyndaryn 40 paıyzdan astamǵa azaıtyp, aımaqtyq reısterdi qoljetimdi etedi.