InfoHub Logo

Aldaǵy kúnderi Qazaqstannyń birneshe óńirinde aýa raıy kúrt ózgerip, kúnniń aptap ystyǵy turǵyndardy biraz ábigerge salýy múmkin. «Qazgıdromet» mamandarynyń boljaýynsha, Soltústik-batys sıklonynyń áserinen respýblıkanyń basym bóliginde naızaǵaı oınap, jańbyr jaýady, jel kúsheıip, burshaq túsýi yqtımal. Alaıda bul qubylystar aptap ystyqpen qatar júredi.

Ortalyq óńirlerde 17–18 maýsymda kúndizgi temperatýra 35-39 gradýsqa deıin kóterilse, oblystyń ońtústiginde 42 gradýsqa deıin aptap ystyq kútilýde. Keıin, 19 maýsymda kún sál salqyndap, 27-32 gradýs aralyǵynda bolady.

Shyǵys aımaqtarda kúndizgi temperatýra 35-39 gradýsqa deıin kóterilip, 19 maýsymda keıbir aýdandarda 40 gradýs ystyq bolady dep boljanýda.

Ońtústik jáne ońtústik-shyǵys óńirlerde 18–19 maýsym aralyǵynda 42 gradýsqa deıin ystyq bolady. Al keıbir ońtústik aýdandarda kúndiz 43–46 gradýsqa deıin ysıdy. 20 maýsymǵa qaraı ystyq azdap basylyp, 30–38 gradýsqa deıin tómendeıdi.

Mamandar turǵyndarǵa kúnniń eń ystyq ýaqytynda dalaǵa shyqpaýǵa, bas kıim kıýge, sý ishý rejımin qadaǵalaýǵa jáne egde jastaǵy adamdar men balalardyń densaýlyǵyna asa kóńil bólýge keńes beredi.