Aýysymdyq jumys kezinde jumys istelgen saǵattardyń esebi kúnine standartty segiz saǵatpen emes, búkil aı boıynsha jıyntyq túrde júrgiziledi. Bul týraly QR Eńbek jáne halyqty áleýmettik qorǵaý mınıstrligi eske saldy... dep habarlaıdy infohub.kz saıty.
Jalaqyny qalaı esepteý kerek? Jumystyń mundaı formatynda qazaqstandyqtarǵa aı saıynǵy turaqty jalaqy taǵaıyndalady. Bir saǵat jumystyń qunyn anyqtaý úshin bul jalaqy óndiristik kúntizbede belgilengen naqty aıdaǵy jumys saǵattarynyń normasyna bólinedi.
Ár aıdaǵy jumys kúnderi men saǵattarynyń sany ártúrli bolýy múmkin bolǵandyqtan, eseptik saǵattyq mólsherleme de turaqty bolyp qalmaıdy. Ol resmı jumys ýaqytynyń normasyna baılanysty aı saıyn ózgerip otyrady.
Ystyqqa baılanysty demalys alýǵa bola ma? Buǵan deıin Eńbek mınıstrligi Qazaqstannyń eńbek zańnamasynda anomaldy aýa raıyna baılanysty jumys kúnin avtomatty túrde qysqartý, qosymsha demalys kúnderin engizý nemese qashyqtan jumysqa kóshý qarastyrylmaǵanyn habarlaǵan bolatyn. Alaıda qolaısyz klımattyq jaǵdaılarda jumys berýshi taraptardyń kelisimi boıynsha jumys rejımin nemese formatyn ózgertýge quqyly.
Óz kezeginde jumysshy da basshylyqqa kesteni ózgertý, ıkemdi jumys ýaqytyn belgileý nemese ýaqytsha qashyqtan jumys isteý týraly usynyspen júgine alady.
Sonymen qatar, eger eńbek jaǵdaılary naqty qaýip tóndirse, jumystan bas tartý eńbek tártibin buzý retinde qarastyrylmaıdy.
Buǵan deıin «Kýrsıv» qazaqstandyqtar ózin kedeı sezinbeý úshin jan basyna 320 myń teńgege deıin qajet ekenin jazǵan bolatyn.