Japonıada ótip jatqan Azıada-2026 oıyndarynda jeke kópsaıys fınalynda qazaqstandyq gımnastshylar Aqmaral Erekesheva men Aıbota Ertaıqyzy tórtinshi jáne besinshi oryndardy ıelendi, dep habarlaıdy infohub.kz saıty.
Tórt jattyǵý qorytyndysy boıynsha Erekesheva 108 bal jınady. Qola medalǵa ol 1,200 bal jetpedi. Qazaqstandyq sportshy sheńbermen 28,900 bal, doppen 27,300, shyǵyrshyqtarmen 25,200 jáne lentamen 26,600 bal aldy.
Ertaıqyzy fınaldy 106,200 balmen besinshi orynda aıaqtady. Onyń baǵalary: sheńber – 27,250, dop – 26,450, shyǵyrshyqtar – 25,700, lenta – 26,800.
Jeńisti Azıada-2022 chempıony jáne Azıanyń absolútti chempıony ózbekstandyq Tahmına Ikromova (112,950) jeńip aldy. Kúmisti qytaılyq Van Sı (110,050), qolany onyń otandasy Van Szylý (109,200) enshiledi.
İrikteýde Erekesheva barlyq qatysýshylar arasynda úzdik nátıje kórsetti – 111,350 bal, al Ertaıqyzy 106,550 balmen tórtinshi orynǵa turaqtady.
Búgin sondaı-aq toptyq kópsaıys fınaly ótedi. Bizdiń qurama sheshýshi kezeńge birinshi orynmen joldama aldy.
Japonıadaǵy XX Jazǵy Azıa oıyndary 19 qyrkúıekte resmı túrde ashyldy. 45 eldiń sportshylary qatysatyn jarystarda 460 medal jıyntyǵy sarapqa salynady. Azıada-2026-da Qazaqstan quramasynyń quramynda 35 sport túrinen 558 sportshy synǵa túsýde.