2027 jyldyń ortasynan bastap Qazaqstan bankteri turaqty damý standarttaryn (ESG) kúsheıtýge mindetti bolady: beıindi bólimsheler qurý, qyzmetkerlerdi oqytý jáne ESG-esepterin daıyndaý. Bankterdiń negizgi shyǵyndary ádistemelik bazany qalyptastyrýǵa, analıtıka jınaýǵa jáne ekologtardy tartýǵa ketedi, dep habarlaıdy infohub.kz saıty.
ESG (Environmental, Social, and Governance) — ekologıa, áleýmettik jaýapkershilik jáne korporatıvtik basqarý máselelerin qamtıtyn standarttar jıyntyǵy. Ekologıalyq baǵyt qorshaǵan ortany qorǵaýdy, kómirqyshqyl gazynyń shyǵaryndylaryn azaıtýdy, resýrstardy únemdeýdi jáne qaldyqtardy qaıta óńdeýdi qamtıdy. Áleýmettik jaýapkershilik qaýipsiz eńbek jaǵdaılaryn, qyzmetkerlerge laıyqty jalaqy men qoldaý kórsetýdi, ınklúzıvtilik pen qaıyrymdylyqty bildiredi. Korporatıvtik basqarý — adal jáne ashyq basshylyq, sybaılas jemqorlyqqa qarsy kúres, qyzmettiń ashyqtyǵy jáne aksıonerlerdiń quqyqtaryn qorǵaý.
ESG standarttaryn engizý kompanıalardyń turaqty damýǵa, ashyqtyqqa jáne táýekelderdi jaýapkershilikpen basqarýǵa umtylysyn kórsetedi. Bul olardyń ınvestısıalyq tartymdylyǵyn arttyryp, operasıalyq táýekelderdi azaıtady jáne naryqtaǵy bedelin jaqsartady.
Ádette bul erikti sheshim. Alaıda «Rýchnaıa ekonomıka» Telegram-arnasy sońǵy jyldary Qazaqstanda qarjy uıymdary úshin ESG-aqparatty ashý kezeń-kezeńimen mindetti bola bastaǵanyn habarlaıdy. Al 2027 jyldyń ortasynan bastap bankter osyndaı standarttardy kúsheıtýge mindetti bolady, bul olardyń shyǵyndarynyń ósýine ákeledi.
«Bankterge turaqty damý jónindegi bólimsheler qurý nemese qyzmetkerler tartý mindetteledi, olar ESG praktıkalaryn engizip, tıisti qujattardy ázirlep, qyzmetkerlerdi turaqty damý, ekologıalyq jáne áleýmettik táýekelder boıynsha oqytyp, ESG-esebin daıyndaýdy úılestiredi», — delingen derekkózde.
Derekkózdiń habarlaýynsha, Eýrazıalyq bank basqarmasynyń tóraǵasy Lázzat Satıeva ESG talaptaryn kúsheıtý kezinde bankter úshin negizgi shyǵyndar ádistemelik bazany qalyptastyrýǵa, analıtıkalyq aqparat jınaýǵa, sonyń ishinde bank shtatyna ekologtardy tartýǵa jáne konsaltıńke baılanysty týyndaıtynyn atap ótti. Alaıda ol ESG-ge arnalǵan mundaı shyǵyndardyń ósýi halyqqa arnalǵan kredıttik ónimderge aýystyrylýy múmkin dep sanamaıdy.
«Biz bul shyǵyndardy kredıtteý qunynyń ósýine ákep soǵatyn faktor retinde qarastyrmaımyz. Kredıt mólsherlemesi faktorlardyń tutas keshenin eskere otyryp qalyptasady, sondyqtan banktiń ESG-praktıkalaryn engizýge jumsaǵan shyǵyndarynyń kredıtteý qunyna tikeleı áseri týraly aıtý durys bolmas edi», — dedi Lázzat Satıeva.
Iaǵnı, ESG qaǵıdattaryn engizý tásilin kúsheıtý talaby ekinshi deńgeıdegi bankterdiń shyǵyndarynyń ulǵaıýyna ákelýi múmkin. Alaıda bul olardy óteý úshin kredıtteý qunyna áser etpeýi tıis.