Óskemende polısıa qyzmetkerleri eki jas jigitti ustap, olardan esirtki zaty bar 91 orama tárkiledi. Kúdiktilerdiń biri qamaýǵa alynsa, ekinshisi úı qamaǵyna otyrǵyzyldy, dep habarlaıdy infohub.kz.
Shyǵys Qazaqstan oblysy polısıa departamenti baspasóz qyzmetiniń málimetinshe, jedel-izdestirý is-sharalary barysynda esirtki qylmysyna qarsy kúres bóliminiń qyzmetkerleri esirtkiniń zańsyz aınalymy faktisin jolyn kesti. Qala turǵyndary — 18 jáne 19 jastaǵy eki jigit ustalyp, olar esirtki zattaryn satý maqsatynda, bir top adam bolyp saqtady degen kúdikke ilindi.
Jeke tintý kezinde kúdiktilerden quramynda tyıym salynǵan zattar bar 91 orama tabylyp, tárkilendi. Sot-saraptama qorytyndysy boıynsha, tárkilengen zattardyń quramynan psıhotroptyq zattar anyqtaldy: jalpy salmaǵy 25,29 gram mefedron, 27,21 gram α-PVP jáne 6,24 gram kannabıs shaıyry. Bul kólemder erekshe iri mólsherge jatady.
Qazirgi ýaqytta osy fakti boıynsha sotqa deıingi tergeý júrgizilýde. Kúdiktilerdiń birine qatysty úı qamaǵy túrindegi bultartpaý sharasy tańdalsa, ekinshisi ýaqytsha ustaý ızolátoryna qamaldy.