Qazaqstanda qarjylyq qyzmet tutynýshylary bankterge tikeleı júgine alatyn FinOtinish sıfrlyq platformasynyń pılottyq nusqasy iske qosyldy. Servısti Qazaqstan Respýblıkasynyń Qarjy naryǵyn retteý jáne damytý agenttigi bastamashylyq etti, dep habarlaıdy infohub.kz saıty.
Jańa qural qaryz alýshylarǵa qarjy uıymyna ótinish berip, onyń qaralý barysyn baqylaý múmkindigin beredi. Eger másele bank deńgeıinde sheshilmese, ótinishti bank ombýdsmanyna jiberýge bolady.
Ótinimdi rásimdeý kezinde paıdalanýshy ózin qyzyqtyratyn taqyrypty tańdaıdy — merzimi ótken tólemder men bankten kelgen qajetsiz qońyraýlardan bastap keshbek máseleleri men mobıldi qosymshanyń jumysyndaǵy aqaýlarǵa deıin.
Qazirgi tańda platforma arqyly ekinshi deńgeıdegi tórt bankke júginýge bolady: Freedom Bank, «Bank SentrKredıt», Alatau City Bank jáne «Otbasy bank».
Pılottyq jobanyń qorytyndysy boıynsha qalǵan bankterdi kezeń-kezeńimen qosý jáne platformanyń tutynýshylar úshin qoljetimdiligin keńeıtý josparlanýda.
Servısti paıdalaný erikti jáne tegin. Sonymen qatar azamattardyń Agenttikke e-Otinish júıesi arqyly, bank ombýdsmanyna nemese sotqa júginý múmkindigi saqtalady.
Buǵan deıin Qazaqstanda qaryz alýshylar óz qaryzdaryn barlyq kredıtorlarmen birden retteýge múmkindik beretin Finkelisim.kz biryńǵaı platformasy iske qosylǵan bolatyn.