Aldaǵy senbide Qorǵaljyn óńirinde mádenıet pen tabıǵatty qasterleıtinderdiń nazaryn aýdaratyn dástúrli iri mádenı-týrıstik festıvál Flamingo Fest ótedi, dep habarlaıdy Aqmola oblysy ishki saıasat basqarmasy. İs-sharanyń basty taqyryby — ólkeniń biregeı tabıǵatynyń mádenıetpen, ulttyq ónermen jáne salt-dástúrlermen úılesimdi baılanysy... dep habarlaıdy infohub.kz.
Qorǵaljyn ólkesi kólderi men baı bıoalýantúrliligimen tanymal. Basty tabıǵı kórikti jerlerdiń biri — qyzǵylt flamıngo, ol óńirdiń ózindik aıyrmashylyǵyna aınalǵan. Dál osy flamıngo festıváldiń sımvoly retinde tańdalyp, tabıǵat sulýlyǵy, úılesimdilik jáne qorshaǵan ortaǵa uqypty qaraý taqyryptaryn biriktiredi.
Festıvál qonaqtaryn ólkeniń kórikti jerlerimen tanysý kútip tur. Mádenı baǵdarlama fólklorlyq jáne bı ujymdarynyń ónerlerin, dástúrli mýzykany, gala-konsertti, etnoaýyldy jáne ulttyq oıyndardy qamtıdy. Jeke alań halyq shyǵarmashylyǵyna arnalady: qolóner sheberleri óz týyndylaryn kórme-jármeńkede usynady, al sýretshiler oblystyq Flamingo Art baıqaýyna qatysady. Qonaqtar sýretter men sheberlerdiń buıymdary arqyly óńirdiń tabıǵaty men mádenı erekshelikterin shyǵarmashylyq turǵydan kóre alady.
Festıváldiń mańyzdy bóligi ekologıalyq baǵdarlama bolady. Qatysýshylar úshin Qorǵaljyn memlekettik tabıǵı qoryǵynyń bıoalýantúrliligine, onyń turǵyndaryna jáne tabıǵatty qorǵaý máselelerine arnalǵan tanymdyq is-sharalar men aksıalar daıyndalady. Osylaısha, festıvál mádenı jáne ekologıalyq kún tártibin biriktirip, tabıǵı muraǵa jaýapkershilikpen qaraýǵa nazar aýdarady.
Uıymdastyrýshylardyń málimetinshe, Flamingo Fest tek Aqmola oblysynyń turǵyndaryn ǵana emes, Qazaqstannyń basqa óńirlerinen kelgen týrıserdi jáne sheteldik qonaqtardy da jınaıdy. Festıváldiń ótkizilýi Qorǵaljyndy tabıǵı kórikti jerler ulttyq mádenıetpen jáne zamanaýı demalys formattarymen ushtasatyn týrısik baǵyt retinde tanystyrýdyń taǵy bir múmkindigi bolady.
Ekinshi ret ótkizilip otyrǵan Flamingo Fest festıvalin Aqmola oblysynyń tanymal mádenı-týrıstik brendi retinde damytý josparlanýda. Uıymdastyrýshylar joba týrıserdi tartyp, ulttyq ónerge qyzyǵýshylyqty qoldap, Qorǵaljyn ólkesiniń tabıǵı murasy týraly Qazaqstanda jáne odan tys jerlerde aıtýǵa kómektesedi dep senedi.