Qazaqstandyq FlyArystan áýekompanıasy Qytaıǵa jáne Qytaıdan ushatyn jolaýshylarǵa shekaradan ótý erejeleriniń aldaǵy ózgeristeri týraly mańyzdy eskertý jasady, dep habarlaıdy infohub.kz saıty.
2026 jyldyń 15 qyrkúıeginen bastap QHR-da kirý jáne shyǵýdyń jańartylǵan erejeleri kúshine enedi. Osyǵan baılanysty ımıgrasıalyq baqylaýdan ótý kezinde qujattardy tekserý rásimderi ádettegiden uzaǵyraq ýaqyt alýy múmkin.
Áýekompanıanyń baspasóz qyzmeti Qytaıǵa baratyn nemese elden ushatyn jolaýshylarǵa saparǵa qajetti barlyq qujattardyń, onyń ishinde pasporttyń bar-joǵyn jáne jaramdylyǵyn aldyn ala tekserýdi, sondaı-aq QHR-ǵa kirý jáne shyǵý talaptarymen tanysýdy usyndy. Ásirese, áýejaıda ushýdan keminde úsh saǵat buryn bolý kerektigi, pasporttyq jáne ımıgrasıalyq baqylaýdan ótýge qosymsha ýaqyt qajet ekendigi atap ótildi.
FlyArystan Qazaqstan men Qytaı arasyndaǵy vızasyz rejım áli de jaramdy ekenin eske saldy. Qazaqstan azamattary bir sapar barysynda QHR-da vızasyz 30 kúntizbelik kúnge deıin bola alady.