«ForteBank» AQ men Koreıanyń eksport-ımport banki (KEXIM Bank) yntymaqtastyq týraly kelisimge qol qoıdy. Bul qujat eki qarjy ınstıtýtynyń uzaq merzimdi seriktestigine negiz qalaıdy. Qol qoıý rásimi Seýlde «Ońtústik Koreıa – Ortalyq Azıa» samıtine oraı uıymdastyrylǵan is-sharalar aıasynda ótti, dep habarlaıdy infohub.kz saıty.
Kelisim ForteBank-tiń koreı kompanıalarymen jumys isteıtin klıentteriniń transshekaralyq kelisimsharttaryn qarjylandyrýǵa 70 mln dollarǵa deıingi qarajat tartýdy kózdeıdi.
«KEXIM Bank-pen yntymaqtastyq klıentterimizdiń syrtqy saýda operasıalaryn qarjylandyrý múmkindikterimizdi keńeıtedi. Klıentterimiz úshin bul eń aldymen óz jobalaryn júzege asyrýǵa qolaıly orta jáne uzaq merzimdi qarjylandyrýǵa qol jetkizý degen sóz», – dedi ForteBank basqarma tóraǵasy Talǵat Qýanyshev.
ForteBank Ońtústik Koreıa seriktesterimen yntymaqtastyqty damytyp jatqan qazaqstandyq kompanıalarmen qazirdiń ózinde jumys istep keledi. Basym kelisimsharttar qatarynda tehnologıalyq jáne ónerkásiptik jabdyqtar, tehnıka jáne basqa da taýarlardy jetkizý bar. Jańa seriktestik qoldanystaǵy klıentterdiń de, koreı bıznesimen jańa baǵyttardy damytyp jatqan kompanıalardyń da qarjylandyrý múmkindikterin keńeıtedi.
*Qazaqstan Respýblıkasynyń qarjy naryǵyn retteý jáne damytý agenttiginiń 14.07.2026 jylǵy №1.1.965.133 lısenzıasy «ForteBank» AQ-ǵa berilgen.
**PR quqyǵynda.