Halyqaralyq Digital Bridge forýmy qarsańynda «Frıdom Bank Kazahstan» AQ (Freedom Bank) men Qazaqstan Respýblıkasynyń Qarjy monıtorıńi agenttigi (QMA) birlesken keıs usyndy. Bul joba QMA ádistemesi men Freedom Bank-tiń AI-Compliance platformasyn biriktirý arqyly droptarǵa qarsy kúreske arnalǵan, dep habarlaıdy infohub.kz saıty.
Qazaqstan Prezıdenti Qasym-Jomart Toqaev óz sózderinde elimizdiń qarjy sektorynda qaýipsizdik sharalaryn kúsheıtip, alaıaqtyqtyń aldyn alýdyń mańyzdylyǵyn birneshe ret atap ótti. Ol kapıtaldyń zańsyz ketýi memlekettiń ekonomıkalyq qaýipsizdigine tikeleı qater tóndiretinin aıtty.
AI-Compliance sıfrlyq sheshimi iske qosylyp, oǵan QMA-nyń ádistemelik negizi engizilgennen keıin Freedom Bank droptar jelisin qysqa merzimde anyqtaıtyn boldy. Búginde Freedom men QMA birlesken jumysynyń nátıjesinde jeti túrli quqyqqa qarsy áreket boıynsha 7 myńnan astam adam anyqtalyp, buǵattaldy. Olardyń qatarynda zańsyz oıyn bıznesi, alaıaqtyq jáne esirtkiniń zańsyz aınalymy bar.
«Bul — banktiń ishki tehnologıalyq jobasy ǵana emes. Biz zardap shekkenderdiń aqshasy krıptovalútada birjola joǵalyp ketpeı turyp, sqemany toqtatýǵa baǵyttalǵan júıe qurdyq. QMA-men birlesken jumysymyzdyń nátıjesin naqty keısterden kórip otyrmyz», — dep atap ótti Freedom Holding Corp. bas atqarýshy dırektory Tımýr Týrlov.
Jobany iske asyrý barysynda negizgi maqsat — derekterdi óńdeý jyldamdyǵy men aýqymy adamdardy alaıaqtardan naqty qorǵaıtyn presedentter jasaý boldy. Kúsh-jigerdi biriktirýdiń, naqty ádisteme men tehnologıalardyń tabysty keısi eldegi qarjylyq qylmystarmen kúresýdiń logıkasyn ózgertip otyr.
«Basty qıyndyq kúdikti operasıalardy tabýda emes edi — naryqta mundaı sheshimder jetkilikti. Qıyndyq jyldamdyqta boldy: buryn droptardy anyqtaý aılarǵa sozylyp, bir keısti qolmen taldaý shamamen bes saǵat ýaqyt alatyn. Biz dáldikti joǵaltpaı, ýaqytty mınýtqa qysqartýdy maqsat ettik. Nátıjesinde platforma árbir kúdikti keıs boıynsha materıaldardy ózi daıyndaıdy, biraq sheshimdi árqashan komplaens-ofıser qabyldaıdy. Jasandy ıntellekt munda adamdy almastyrmaıdy, kerisinshe sol ýaqyt ishinde birneshe ese kóp keısti óńdeýge múmkindik beredi», — dedi Freedom Bank dırektorlar keńesiniń múshesi Aıdos Jumaǵulov.
Eske salaıyq, bıylǵy maýsymda Tımýr Týrlov Janat Elımanovpen kezdesýde QR QMA men Freedom Holding Corp. arasyndaǵy yntymaqtastyq týraly memorandýmǵa qol qoıǵan bolatyn. Qujat qarjylyq monıtorıńtiń sıfrlyq quraldaryn jetildirý, analıtıka men táýekelge baǵdarlanǵan tásilderdi damytý, zamanaýı RegTech sheshimderin engizý, sondaı-aq osy saladaǵy mamandardyń biliktiligin arttyrýǵa baǵyttalǵan bilim berý jáne saraptamalyq bastamalardy júzege asyrý boıynsha birlesken jumysty kózdeıdi.
Anyqtama: droptar — qylmystyq jolmen alynǵan qarajatty shyǵarý úshin óz bank kartalaryn beretin adamdar.