Nıderland mamany Djon van ’t Skıp Qazaqstan quramasynyń bas jattyqtyrýshysy bolyp taǵaıyndalǵannan keıin alǵashqy málimdeme jasady, dep habarlaıdy infohub.kz.
Djon van ’t Skıp jańa jumysqa úlken yntamen kirisetinin aıtty. «Kóp eńbek etý kerek, biraq qazaqstandyqtar — eńbekqor, berik jandar ekenin bilemin. Bizdiń mindetimiz — osy eńbekqorlyqty durys baǵytqa baǵyttap, birtutas komanda quryp, qalaǵan nátıjege jetý. Eń bastysy — bári maqtan etetin qurama qurýdy qalaımyz», — dedi van ’t Skıp.
Jattyqtyrýshy jaqyn arada oıynshylar men Qazaqstan chempıonatyn tereń zertteýdi josparlap otyrǵanyn, óıtkeni quramanyń resmı oıyndary jaqynda ótetinin atap ótti. Mamannyń aıtýynsha, jasy men mártebesine qaramastan barlyq fýtbolshynyń ulttyq quramaǵa túsý múmkindigi bar. «Barlyq kandıdatty qadaǵalaımyn: jas oıynshylardy da, dál qazir shaqyrýǵa laıyqtardy da. Oınaıtyndar — ońtaıly formadaǵy jáne aldaǵy Ulttar lıgasy machtaryna daıyn fýtbolshylar», — dep atap ótti bas bapker.
Eske salaıyq, búgin Qazaqstan fýtbol federasıasy nıderland mamany Djon van ’t Skıppen ulttyq quramanyń bas jattyqtyrýshysy retinde jumys isteý týraly kelisimge keldi.