Google kompanıasynyń basshysy Sýndar Pıchaı Gemini servısiniń aı saıynǵy belsendi qoldanýshylar sany 1 mıllıard adamnan asqanyn málimdedi. Bul ónim kompanıa tarıhyndaǵy eń jyldam ósý qarqynyn kórsetti, dep habarlaıdy infohub.kz saıty.
Gemini — Google-diń 1 mıllıard qoldanýshy belgisinen ótken 14-shi servısi. Kompanıa basshylyǵynyń aıtýynsha, statısıka aı ishinde Gemini qosymshasyn keminde bir ret ashqan, veb-ınterfeısti paıdalanǵan nemese Gemini Live daýystyq rejımin iske qosqan adamdardy eskeredi. Bul kórsetkishke Google izdeýinde, Gmail-de nemese basqa ıntegrasıalanǵan servısterde jasandy ıntellektpen kezdesetin qoldanýshylar kirmeıdi.
Google vıse-prezıdenti Djosh Výdvard asıstentti paıdalaný erekshelikterimen bólisti. Qazirgi ýaqytta belsendi qoldanýshylardyń shamamen 63%-y Gemini-men ózara árekettesý úshin daýystyq engizýdi qoldanady. Gemini Live-tegi árbir besinshi sesıa kameradan beıne translásıasyn nemese ekrandy kórsetýdi qamtıdy. Sonymen qatar, servıs kún saıyn 150 mıllıonnan astam sýret jasaıdy.
iOS platformasynda Gemini aýdıtorıasy 100 mıllıon belsendi qoldanýshydan asty. Kompanıa derekteri boıynsha, servıs barlyq aımaqtarda, ásirese stýdentter men mobıldi qurylǵy ıeleri arasynda turaqty ósýdi kórsetip otyr.