Germanıada bıyl ystyqtan 10 myńǵa jýyq adam qaıtys boldy. Nemis Robert Koh atyndaǵy ınstıtýt (RKI) ystyqqa baılanysty qaza tapqandar sany 9800-ge jetkenin, bul 2016 jyldan bergi eń joǵary kórsetkish ekenin habarlady, dep jazady infohub.kz.
Sarapshylardyń pikirinshe, 2026 jyly eń aýyr kezeń maýsymnyń ekinshi jartysy boldy, kóptegen aımaqtarda temperatýra +40℃-qa jetti. Osy kezeńde 5 myńnan astam qaza bolǵan jaǵdaı tirkeldi. «Ystyqtan qaza tapqandardyń 7880-i 75 jastan asqan adamdar. Sonymen qatar, qaıtys bolǵandar arasynda áıelder erlerge qaraǵanda kóbirek. Alaıda muny áıelderdiń egde jastaǵy toptardaǵy úlesiniń joǵary bolýymen túsindirýge bolady. RKI derekterine sáıkes, aldyńǵy maksımým 2018 jyly tirkelgen, sol jyly ystyqtyń saldarynan shamamen 8900 adam qaıtys bolǵan», — delingen ınstıtýt esebinde.
Mamandar ystyqtyń áseri tikeleı ólim sebebine sırek aınalatynyn atap ótedi. Ádette, ólim aýanyń joǵary temperatýrasy men sozylmaly aýrýlardyń úılesýinen bolady. Dárigerler medısına mekemelerinde salqyndatý júıelerin jańǵyrtý qajettigin aıtady. Qazirgi ýaqytta german klınıkalarynda palatalardyń az ǵana bóligi kondısıoner nemese basqa salqyndatý quraldarymen jabdyqtalǵan.
Buǵan deıin Eýropadaǵy ystyq bir apta ishinde 12 myńnan astam adamnyń ólimine sebep bolýy múmkin ekeni habarlanǵan bolatyn.