2026 jyldyń basynan beri Germanıada qatty ystyqtyń saldarynan 14 myń adam qaza tapty, olardyń arasynda áıelder jıi kezdesedi, dep habarlaıdy infohub.kz saıty.
Robert Koh ınstıtýtynyń (RKI) resmı saıtynda jarıalanǵan derekterge sáıkes, 20 tamyzdaǵy jaǵdaı boıynsha ystyqqa baılanysty qaza tapqandardyń boljamdy sany 14 myńǵa jetti. Ólimniń eń kóp úlesi 85 jastan asqan adamdarǵa tıesili.
Robert Koh ınstıtýty jaz boıy Federaldyq statısıkalyq vedomstvonyń (Destatis) derekterimen qatar ystyqqa baılanysty ólim-jitimge apta saıyn monıtorıń júrgizedi. Ólim sanyn baǵalaý matematıkalyq ádis arqyly júzege asyrylady, óıtkeni ystyq medısınalyq qorytyndylarda ólimniń tikeleı sebebi retinde sırek kórsetiledi, biraq sozylmaly aýrýlardy órshitedi. Ǵalymdar ótken jyldardaǵy ortasha ólim deńgeıin ystyq tolqyndar kezindegi kórsetkishtermen salystyrady, al normadan asyp ketýdi aýa raıy jaǵdaılarymen baılanystyrady.
Buǵan deıin 2026 jyldyń basynan beri Germanıada ystyq 10 myńǵa jýyq adamnyń ómirin qıǵany habarlanǵan bolatyn, bul sońǵy on jyldaǵy eń joǵary kórsetkish boldy.