World Boxing prezıdenti ári Qazaqstan Ulttyq olımpıadalyq komıtetiniń tóraǵasy Gennadı Golovkın ýkraınalyq «Mırotvores» saıtynyń derekqoryna engenin infohub.kz habarlaıdy.
Gennadı Golovkınniń derekteri bar jazba saıtta senbi, 15 tamyzda paıda boldy. Derekqorǵa engizý sebebi retinde World Boxing federasıasynyń reseılik sportshylarǵa qatysty shekteýlerdi alyp tastaýy kórsetilgen — reseılik boksshylar halyqaralyq týrnırlerde ulttyq rámizdermen óner kórsete alady.
TASS málimetinshe, janjaldy «Mırotvores» saıty 2014 jyly qurylǵan. Onda Qyrymǵa, Donbasqa barǵan nemese ózge de sebeptermen resýrs avtorlarynyń teris baǵasyn alǵan jýrnalıser, ártister men saıasatkerlerdiń zańsyz jolmen jınalǵan jeke derekteri saqtalady.
Eske salaıyq, 2025 jyldyń qarashasynda Rımde World Boxing Kongresi ótip, onda qazaqstandyq Gennadı Golovkın uıym prezıdenti retinde resmı bekitilgen edi. Al bıylǵy shildede Gennadı Golovkın basqaratyn World Boxing reseılik boksshylarǵa qatysty shekteýlerdi alyp tastaǵanyn málimdedi.