Gonkong ýnıversıtetiniń zertteýshileri teńiz sýynan sýtegi óndirý qunyn aıtarlyqtaı tómendetetin korozıaǵa tózimdiligi rekordtyq tot baspaıtyn bolatty ázirledi, dep habarlaıdy infohub.kz.
Mınsın Hýan jetekshilik etetin mamandar toby SS-H2 markaly bolatty jasap shyǵardy, ol tuzdy ortanyń ekstremaldy áserine tótep bere alady. Materıal sýdy sýtegi men ottegige ydyratatyn elektrolızerlerde qoldanýǵa arnalǵan. Osy ýaqytqa deıin mundaı qondyrǵylarda altyn nemese platına jabyny bar qymbat tıtan bólshekteri qoldanyldy, óıtkeni qarapaıym tot baspaıtyn bolat joǵary elektr kerneýinen tez buzylatyn.
Qorytpanyń tózimdiliginiń qupıasy eki satyly pasıvasıada. Metal betinde standartty hrom oksıdiniń qorǵanysh qabatynan basqa, marganes negizindegi ekinshi qorǵanysh qabaty paıda bolady. Bul jańalyq avtorlardyń ózderin tań qaldyrdy, óıtkeni marganes dástúrli túrde korozıaǵa tózimdilikti tómendetetin element bolyp sanaldy. Jańa qorytpa sýdy totyqtyrý úshin qajetti shekten asatyn 1700 mV kerneýde tutastyǵyn saqtaıdy.
Joba avtorlarynyń baǵalaýynsha, SS-H2 qoldaný elektrolızerlerdiń qurylymdyq materıaldaryna ketetin shyǵyndardy shamamen 40 ese azaıtýǵa múmkindik beredi. Ǵalymdar bolat symdy jappaı óndirýdi bastaý úshin qytaılyq kásiporyndarmen yntymaqtastyqty bastady.