Grek-rım kúresinen Qazaqstan quramasy Dortmýndtaǵy Gran-prıde úzdik nátıje kórsetip, alty altyn medal jeńip aldy, dep habarlaıdy infohub.kz saıty.
Ulttyq qurama Germanıanyń Dortmýnd qalasynda ótken Gran-prı serıasyndaǵy týrnırde úzdik nátıje kórsetti, dep habarlaıdy Ulttyq Olımpıada komıteti. Qazaqstandyq sportshylar alty altyn, tórt kúmis jáne bes qola medal jeńip alyp, jalpy esepte birinshi orynǵa ıe boldy.
Týrnır chempıondary: Arsen Juma (55 kelige deıin), Aıbek Aıtbekov (60 kelige deıin), Aıdos Sultanǵalı (63 kelige deıin), Baǵdat Sabaz (67 kelige deıin), Iýsýf Ashrapov (72 kelige deıin) jáne Mereı Máýlethanov (77 kelige deıin).
Kúmis medaldardy Dáýlet Áshirhanov (63 kelige deıin), Almatbek Amanbek (72 kelige deıin), Ibragım Magomadov (82 kelige deıin) jáne Djohar Ýzarov (130 kelige deıin) jeńip aldy.
Qola júldegerler: Amanǵalı Bekbolatov (60 kelige deıin), Ǵalym Qabdýnasarov (63 kelige deıin), Mádı Danelov (72 kelige deıin), Omar Sataev (82 kelige deıin) jáne Dıas Kálen (87 kelige deıin).
Osylaısha, Qazaqstan quramasynyń qorjynynda 15 medal bar, bul komandaǵa týrnırdiń jalpy esebinde birinshi orynǵa shyǵýǵa múmkindik berdi.