Máskeýdiń Presnen aýdandyq soty bloger Gýseın Gasanovty 68 mıllıon rúblden (shamamen 413 mıllıon teńge) astam aqshany jylystatý isi boıynsha syrttaı jalpy rejımdegi kolonıaǵa 4 jylǵa sottady, dep habarlaıdy infohub.kz.
Sýdıa úkimdi oqyp, Gasanovty Reseı Federasıasy Qylmystyq kodeksiniń 174.1-baby 4-bóliginiń «b» tarmaǵyna (aqsha qarajatyn zańdastyrý) sáıkes qylmys jasady dep tanydy. Oǵan jalpy rejımdegi kolonıada óteletin tórt jyl bas bostandyǵynan aıyrý jazasy taǵaıyndaldy.
Sot jaryssózinde aıyptaý tarapy blogerge alty jyl bas bostandyǵynan aıyrý jazasyn suraǵan edi, alaıda sot jazany tórt jylǵa deıin jeńildetti.
Tergeý derekteri boıynsha, jeke kásipker bolǵan Gasanov 170 mıllıon rúblden (shamamen 1,03 mıllıard teńge) astam salyq tólemegen. Keıin ol bul qarajatty qarjylyq operasıalar jáne «Máskeý-Sıtı» iskerlik keshenindegi páterlerdi satyp alý-satý shartyn jasaý arqyly jylystatqan, jalpy somasy 68 mıllıon rúblden (shamamen 413 mıllıon teńge) astam.
Buǵan deıin tanymal blogerdiń izdeý jarıalanǵany habarlanǵan bolatyn.