Iemen hýsıtteri Saýd Arabıasynyń Wafa munaı tankerine Qyzyl teńizdiń soltústik bóliginde jańa áskerı operasıa jasaǵanyn habarlady, dep málimdeıdi infohub.kz saıty.
Qozǵalystyń áskerı ókili Iahá Sarı kemege Ianbý-el-Bahr aýdanynda birneshe balıstıkalyq zymyranmen shabýyl jasalǵanyn aıtty. Onyń aıtýynsha, zymyrandar nysanaǵa dál tıgen.
Sarı bul shabýyl hýsıtter jarıalaǵan «blokadaǵa blokada» strategıasynyń bóligi ekenin túsindirdi. Sondaı-aq ol 22 shildedegi teńiz blokadasy bastalǵannan beri bul hýsıtterdiń shabýylyna ushyraǵan segizinshi saýdıalyq munaı tankeri ekenin qosyp aıtty.
Budan basqa, qozǵalys ókili blokada engizilgennen keıin hýsıtter Qyzyl jáne Arab teńizderi arqyly ótken 29 saýdıalyq tankerdiń ótýine kedergi keltirip, baǵyttaryn ózgertýge májbúr etkenin málimdedi.