Halyqaralyq fonogram óndirýshiler federasıasy (IFPI) iri mýzykalyq dıstrıbútorlarmen birlesip, avtorlardy, quqyq ıelerin jáne tyńdarmandardy tyńdalymdy burmalaýdan qorǵaýǵa baǵyttalǵan Streaming Integrity Initiative bastamasyn iske qosty, dep habarlaıdy infohub.kz saıty.
Engadget basylymynyń jazýynsha, jasandy ıntellekt pen avtomattandyrylǵan júıeler arqyly strımderdi qoldan kóbeıtý naqty oryndaýshylardyń tabysyn alaıaq manıpýlátorlarǵa aǵyzyp jiberedi.
Jańa joba aıasynda qatysýshylar bes negizgi qaǵıdatty ustanýǵa mindettendi. Dıstrıbútorlar paıdalanýshylardyń jeke basyn jáne kontentke quqyǵyn tekseretin qatań rásimderdi engizip, jasandy ıntellektke baılanysty táýekelderdi anyqtaıtyn zamanaýı quraldardy qoldanady.
Sonymen qatar kelisimge qol qoıǵan kompanıalar alaıaqtar týraly derektermen bólisip, qorǵanys júıelerin únemi jańartyp otyrmaq.
Bastamaǵa Sony Music Group, Universal Music Group jáne Merlin uıymy sıaqty salalyq alyptar qosyldy. IFPI ókilderi mýzyka naryǵyndaǵy qalǵan oıynshylardy da qujatqa qol qoıýǵa shaqyryp, ózgerip otyratyn kıberqaýipterge qarsy birtutas maıdan qurýǵa úndedi.