Sońǵy eki jylda Qazaqstannyń sý salasyna tartylǵan ınvestısıa kólemi shamamen 677 mlrd teńgeni qurady, bul aldyńǵy eki jyldyq kezeńmen salystyrǵanda 79%-ǵa artyq, dep habarlaıdy infohub.kz.
Salystyrý úshin, 2022-2023 jyldary sý sharýashylyǵyn damytýǵa 377,9 mlrd teńge tartylǵan edi. Osylaısha, ósim shamamen 300 mlrd teńgeni qurady.
Qarajat negizinen sý sharýashylyǵy ınfraqurylymyn — sý qoımalaryn, kanaldardy, gıdrotehnıkalyq qurylystardy jáne halyqty sýmen qamtamasyz etý men aýyl sharýashylyǵy táýeldi basqa da nysandardy salýǵa jáne jańǵyrtýǵa baǵyttalýda.
Mınıstrlikte ınvestısıalar qoldanystaǵy ınfraqurylymdy jańartýǵa, sýdy jınaqtaý men bólýdiń jańa qýattaryn qurýǵa, ysyrapty azaıtýǵa jáne sýmen jabdyqtaýdyń senimdiligin arttyrýǵa múmkindik beredi dep esepteıdi.
İske asyrylyp jatqan jobalardyń ishinde — Islam damý bankimen birlesip Jambyl, Batys Qazaqstan jáne Qyzylorda oblystarynda úsh sý qoımasyn salý. Azıa damý bankiniń qoldaýymen Aqmola oblysynda Esil kontrregýlátoryn salý da josparlanýda.
Sý resýrstary jáne ırrıgasıa mınıstri Nurjan Nurjigitov bul saladaǵy halyqaralyq yntymaqtastyq tek qarjylandyrýdy ǵana qamtymaıtynyn atap ótti.
«Investısıalar sý sharýashylyǵy ınfraqurylymyn damytýǵa — sý qoımalaryn, kanaldardy jáne basqa da qurylystardy salýǵa, rekonstrýksıalaýǵa jáne jańǵyrtýǵa tartylady. Bul rette halyqaralyq yntymaqtastyq tek qarjylyq qoldaýmen shektelmeıdi. Ol sondaı-aq zamanaýı tehnologıalardy engizýdi, salany sıfrlandyrýdy, kadrlyq jáne ǵylymı áleýetti nyǵaıtýdy, sondaı-aq ozyq tájirıbe almasýdy kózdeıdi», — dedi Nurjigitov.
Buǵan deıin «Kýrsıv» Qazaqstanǵa qaıtarylǵan aktıvterden 226,5 mlrd teńge sýmen jabdyqtaý salasyndaǵy 267 jobaǵa baǵyttalǵanyn jazǵan bolatyn. Qarajat aımaqtardaǵy jeliler men basqa da komýnaldyq ınfraqurylymdy salýǵa jáne jańǵyrtýǵa paıdalanyldy.