Iran men Oman Ormýz buǵazyndaǵy keme qatynasynan túsetin tabysty bólisý týraly kelisimge keldi, dep habarlaıdy infohub.kz saıty.
Buǵan deıin Tegeran Maskatpen buǵaz arqyly ýaqytsha qaýipsiz jol ornatý úshin kelissóz júrgizip jatqany habarlanǵan edi. Iran Islam revolúsıasy saqshylary korpýsynyń (KSIR) resmı ókili Hoseın Mohebı taraptardyń talqylaý barysynda qandaı nátıjege kelgenin aıtty.
«Osy kelissózder barysynda buǵaz sýlaryndaǵy ár taraptyń úlesi, sondaı-aq Iran men Omannyń tabys úlesteri týraly kelisimderge qol jetkizildi», — dep keltiredi Mohebıdiń sózin KSIR baspasóz qyzmeti.
Ol AQSh Irannyń sharttaryn qabyldamaıynsha — barlyq maıdandaǵy urystardy toqtatý jáne teńiz blokadasyn alyp tastaý — buǵaz jabyq qalatynyn qosty.
Eske salaıyq, buǵan deıin Ormýz boıynsha memorandýmnyń egjeı-tegjeıin Iran SİM ashqan bolatyn — buǵazdan tek saýda kemeleri ǵana óte alady.
Oǵan deıin AQSh qarjy mınıstri Skott Bessent Vashıngton Iranǵa qarsy «eń iri qarjylyq shabýyldy» bastaıtynyn málimdep, bul oqıǵany «D kúni» dep ataǵan edi.