Áskerı polısıa Óskemendegi áskerı bólimsheden 23 shilde kúni tańerteń ruqsatsyz ketken merzimdi áskerı qyzmetshini izdestirip jatyr, dep habarlaıdy Orda.kz saıty.
«2026 jylǵy 23 shildede saǵat 06:30 shamasynda qatardaǵy jaýynger Marhan A.E., 31.03.2004 jyly týǵan, táýliktik kezekshilik quramynda kezekshi bolyp júrip, qyzmet ornyn ruqsatsyz tastap ketti», – delingen Óskemen garnızony áskerı polısıa bóliminiń habarlamasynda.
Áskerı qyzmetshiniń ózimen birge qarýy bolmaǵan. Ol áskerı kıimmen ketken, biraq keıin azamattyq kıimge aýysýy múmkin degen boljam bar.
Belgileri: boıy shamamen 177 sm, ortasha dene bitimi, qysqa qara shash, qara kóz, betinde meńder bar.
Sarbazdy izdeýge áskerı polısıa men ishki ister organdarynyń qyzmetkerleri jumyldyrylǵan. Onyń yqtımal ornalasqan jeri týraly aqparatty senim telefondaryna habarlaýdy suraıdy.
Bul áskerı bólimsheden qashýdyń alǵashqy jaǵdaıy emes. Buǵan deıin Atyraýda áskerı bólimsheden qarýly sarbaz qashyp ketken edi.