2026 jylǵy 24 tamyzda Astana ýaqytymen saǵat 19:31-de «UǴSOI» JSHS seısmıkalyq stansıalar jelisi jer silkinisin tirkedi, dep habarlaıdy infohub.kz saıty.
Tótenshe jaǵdaılar mınıstrliginiń Telegram-arnasynda taratqan málimetinshe, jer asty dúmpýleriniń oshaǵy Qazaqstan aýmaǵynda — Almatydan ońtústik-shyǵysqa qaraı 257 shaqyrym jerde ornalasqan. Oshaqtyń koordınattary: soltústik endik 49.117°, shyǵys boılyq 84.500°.
Eseptik qarqyndylyq 2 baldy qurady. Dúmpýlerdi Shyǵys Qazaqstan oblysynyń Úlken Naryn aýylynyń turǵyndary sezindi.
Vedomstvo jer silkinisi kezindegi 10 qarapaıym qaýipsizdik erejesin eske saldy:
1. Sabyrlyq saqtańyz, dúrbeleńge boı aldyrmańyz!
2. Dúmpý kezinde lıft pen baspaldaqty paıdalanbańyz.
3. Jıhazdan, terezeden, shamnan alystańyz.
4. Senimdi berik baspana tabyńyz: eger joǵarǵy qabatta bolsańyz, kúrdeli júk kótergish qabyrǵalardyń buryshynda oryn alyńyz.
5. Ǵımarattan shyǵyńyz (kópqabatty úılerde — dúmpý toqtaǵannan keıin).
6. Sýdy, gazdy, elektr qýatyn óshirińiz.
7. Dabyl chemodanyn (aldyn ala daıyndalǵan) alyńyz.
8. Elektr jelilerinen, ǵımarattardan, aǵashtardan alys turyńyz.
9. Qaıtalanatyn dúmpýlerge daıyn bolyńyz.
10. Qart adamdarǵa jáne múmkindigi shekteýli jandarǵa kómek kórsetińiz.