Almatynyń «Qaırat» fýtbol klýby eýrokýbokterdiń úshinshi irikteý kezeńindegi yqtımal úıdegi oıynyn Ortalyq stadıonda ótkize almaıdy. Kezdesý Túrkistanǵa aýystyrylady, sebebi 14 tamyzda qalanyń bas arenasynda amerıkandyq reper Kane Ýestiń (Ye) konserti ótedi, dep habarlaıdy infohub.kz saıty.
Klýb bul sheshimdi resmı málimdemede habarlady. «Qaıratta» konsert kúnderi eýrokýbok oıyndarynyń kezeńine sáıkes keletinin, sondyqtan Ortalyq stadıon oıynǵa daıyndyq júrgizý jáne ótkizý úshin qoljetimsiz bolatynyn túsindirdi. Osyǵan baılanysty klýb kezdesýdiń ótkizilý ornyn ózgertýdi surap, ÝEFA-ǵa júgindi.
«Qalyptasqan jaǵdaı men eýrokýboktik qarsylasýlardyń tyǵyz kestesin eskere otyryp, klýb úshinshi irikteý kezeńindegi yqtımal úıdegi oıynnyń ótkizilý ornyn aýystyrýdy surap, ÝEFA-ǵa júgindi. Osy ótinishti qaraý nátıjesinde kezdesýdi Túrkistan qalasyndaǵy «Túrkistan Arena» stadıonynda ótkizý kelisildi», – delingen málimdemede.
Klýb naqty oıyn kúni men ýaqyty, sondaı-aq bılet satylymynyń bastalýy týraly aqparat keıinirek – komandanyń eýrokýboktegi kelesi qarsylasy anyqtalǵannan keıin belgili bolatynyn aıtty. Buǵan deıin «Qaırat» konserttiń belgilengen merzimde ótkizilýine qarsy shyqqan bolatyn. Klýb is-sharanyń kúni eýrokýbokte kúresin jalǵastyryp jatqan jáne úıdegi oıyndaryn Ortalyq stadıonda ótkizetin komandamen kelisilmegenin atap ótti.