Almatylyq «Qaırat» fýtbol klýbynyń ÝEFA Konferensıalar lıgasynyń jalpy kezeńindegi barlyq yqtımal qarsylastary belgili boldy. Eýrokýboktyń mańyzdylyǵy boıynsha úshinshi týrnıriniń irikteýi aıaqtaldy, endi 36 komanda qarsylastaryn anyqtaıtyn jerebege daıyndalýda, dep habarlaıdy infohub.kz saıty.
«Qaırat» Chempıondar lıgasynyń úshinshi irikteý kezeńinde súrinip, keıin Eýropa lıgasynyń irikteý pleı-offynda belgıalyq «Anderlehtten» utylyp qalǵan soń, Konferensıalar lıgasynyń negizgi kezeńine joldama aldy. Almatylyqtar eýrokýboktaǵy jolyn jalpy kezeńnen bastaıdy.
28 tamyzda ótetin jerebe kezinde «Qaırat» alty sebettiń tórtinshisine túsedi. Ár komanda ár sebetten bir qarsylastan alady jáne úsh oıyndy óz alańynda, úsh oıyndy qonaqta ótkizedi.
Sebetterdiń tolyq quramy tómendegideı:
Birinshi sebet: «Atalanta» (Italıa), «Aıaks» (Nıderland), «Braga» (Portýgalıa), «Fraıbýrg» (Germanıa), «Monako» (Fransıa), «Kopengagen» (Danıa).
Ekinshi sebet: «Mıdtúlland» (Danıa), «Srvena Zvezda» (Serbıa), «Gent» (Belgıa), «Panatınaıkos» (Grekıa), «Pafos» (Kıpr), «Braıton» (Anglıa).
Úshinshi sebet: «Lýgano» (Shveısarıa), «Hetafe» (Ispanıa), «KýPS» (Fınlándıa), «Tvente» (Nıderland), «Lınkoln Red Imps» (Gıbraltar), «Boras» (Bosnıa jáne Gersegovına).
Tórtinshi sebet: «Sent-Trúıden» (Belgıa), «Brann» (Norvegıa), «Harts» (Shotlandıa), «Qaırat» (Qazaqstan), «Trabzonspor» (Túrkıa), «Ýnıversıtatá Kraıova» (Rýmynıa).
Besinshi sebet: «Rıga» (Latvıa), «Haıdýk» (Horvatıa), «Iablones» (Chehıa), «Norshellann» (Danıa), «Orhýs» (Danıa), «Inter Klýb Eskaldes» (Andorra).
Altynshy sebet: «Týn» (Shveısarıa), SSKA (Bolgarıa), «Kaýno Jalgırıs» (Lıtva), «Melbú» (Shvesıa), «Iberıa 1999» (Grýzıa), «Egnatıa» (Albanıa).
Konferensıalar lıgasynyń jalpy kezeńi 15 qazanda bastalady. Alty týr qorytyndysy boıynsha úzdik segiz komanda 1/8 fınalǵa shyǵady, al 9-dan 24-orynǵa deıin ornalasqan klýbtar pleı-offtyń irikteý machtarynda óner kórsetedi.