Almatyda 14 tamyzda Kane Ýesttiń konserti ótedi, bul metropolıten jumysyna áser etedi. Shara Ortalyq stadıonda ótetindikten, metro kúsheıtilgen rejımde jumys isteıdi, dep habarlaıdy infohub.kz saıty.
Almaty metropolıtenyniń Instagram-paraqshasynda jarıalanǵan aqparatqa sáıkes, 14 tamyzda poıyzdardyń qozǵalys aralyqtary túzetiledi. Atap aıtqanda, 06:20-dan 09:00-ge deıin jáne 17:00-den 20:00-ge deıin jelide 11 quram 5 mınýt 38 sekýnd aralyqpen júredi. Kúndiz 09:00-den 17:00-ge deıin jáne keshke 20:00-den tún ortasyna deıin aralyq 10 mınýt 20 sekýndqa uzarady, bul kezde jelide 6 poıyz bolady. Túnde, 00:00-den 03:00-ge deıin, 4 poıyz 15 mınýt 30 sekýnd aralyqpen jumys isteıdi.
Metronyń barlyq stansıalary 03:00-ge deıin ashyq bolady, tek «Baıqońyr» stansıasy 21:00-den bastap jolaýshylardy kirgizý jáne shyǵarý úshin jabylady. Poıyzdar bul stansıaǵa toqtamaı ótedi.
Jolaýshylarǵa metroǵa kirer kezde baqylaý kúsheıtiletini de eskertildi.
Buǵan deıin alaıaqtardyń konsertke joq bıletterdi ınternette satyp jatqany habarlanǵan bolatyn. Polısıa jankúıerlerge bılet satyp alý kezinde aldanyp qalmaý jóninde usynystar berdi. Sonymen qatar, Almaty ákimdigi 14 tamyzda keıbir kóshelerdiń jabylatynyn jáne 32 avtobýs baǵytynyń qozǵalys sqemasy ózgeretinin málimdedi.