Qaraǵandy oblysynda tabıǵı órt saldarynan adamdar zardap shekti. Ýákiletti organdar jaǵdaıdy baqylaýda ustap otyr, dep habarlaıdy infohub.kz.
Ákimdiktiń resmı saıtynda habarlanǵandaı, Qarqaraly aýdanynyń Jańatuǵan aýyly mańynda áýe-vızýaldy tekserý júrgizildi. Jańa órt oshaqtary anyqtalǵan joq, eldi mekenderge qaýip tónip turǵan joq. TJD-da is-qımyldy úılestirý úshin jedel shtab jumys istep jatyr.
Qaraǵandy oblysynyń ákimi Ermaǵanbet Bólekpaev aparattyq keńeste TJD bastyǵy men aýdan ákimderiniń esepterin tyńdady.
«Dala órti Shet, Aqtoǵaı, Buqar jyraý jáne Qarqaraly aýdandarynda tirkeldi. Órtti oqshaýlaý jáne joıý, eldi mekenderdi qorǵaý úshin TJM men jergilikti atqarýshy organdardyń kúshi men quraldary jumyldyryldy. 620 jeke quram men 134 tehnıka birligi jiberildi. Jaǵdaıǵa turaqty monıtorıń júrgizilýde», – dedi TJD bastyǵy Marǵulan Amanbaev.
Onyń aıtýynsha, jaǵdaıdy qatty jel qıyndatyp otyr.
Qarqaraly aýdanynda eki zardap shekken adam bar – 1989 jáne 1970 jyldary týǵan er adamdar. Olar medısınalyq kómekke júgindi. Bireýinde 10%, ekinshisinde 20% kúıik bar. Qazir ekeýi de aýrýhanada. Jaǵdaılary turaqty.
Qarqaraly aýdanynyń ákimi Saıat Músinniń málimetinshe, Jańatuǵan aýyly mańynda órtke qarsy sharalardy eki top júrgizip jatyr. 159 jeke quram men 52 tehnıka birligi jumyldyrylǵan. Ol sondaı-aq Besoba aýyly mańyndaǵy qystaqtarda úsh órttiń sóndirilgenin habarlady.
Aqtoǵaı jáne Shet aýdandarynda jaǵdaı turaqty, baqylaýda. Tabıǵı órtter joıyldy.
«Ystyq aýa raıy men qatty jelge baılanysty dala órtiniń qaýpi saqtalyp otyr. Baqylaý turaqty bolýy kerek, jergilikti ákimdikter TJD-men tyǵyz baılanysta jumys isteýi qajet», – dep atap ótti Ermaǵanbet Bólekpaev.
Eske salaıyq, buǵan deıin Qaraǵandy oblysynyń Qarqaraly aýdanynda qutqarýshylardyń qurǵaq ósimdikterdiń órtin táýlik boıy sóndirip jatqany habarlanǵan bolatyn.