Qaraǵandy oblysynda CVK qarjy pıramıdasynyń qurylymdyq bólimshesin uıymdastyrýshyǵa úkim shyǵaryldy. Ol múlki tárkilenip, eki jylǵa bas bostandyǵynan shekteý jazasyna kesildi, dep habarlaıdy infohub.kz saıty.
Qarjy monıtorıńi agenttiginiń (QMA) resmı Telegram-arnasynyń málimetinshe, jobaǵa qatysýshylarǵa 120-dan 49 myń AQSh dollaryna deıingi quny bar vırtýaldy dúkenderdi satyp alý úshin USDT krıptovalútasymen aqsha salý usynylǵan. Onyń ornyna olarǵa kúndelikti tabys jáne jańa salymshylardy tartqany úshin qosymsha bonýstar ýáde etilgen.
«Bul rette vırtýaldy dúkenderde ornalastyrylǵan taýarlar shyn máninde bolmaǵan, al tabys alý jańa qatysýshylardy tartýǵa jáne olardyń aqsha salýyna baılanysty boldy. Salymshylardyń qarajaty USDT krıptovalútasymen OKX platformasy arqyly elektrondyq ámıandarǵa aýdaryldy», — dedi vedomstvoda.
QMA dereginshe, jedel sharalar arqyly 474 myń USDT somasyndaǵy krıptoaktıvterdiń qatyrylýy qamtamasyz etilgen, bul 212 mln teńgege balamaly. Sot úkimimen atalǵan sıfrlyq aktıvter memleket kirisine tárkilendi. Úkim zańdy kúshine endi.
Eske salaıyq, buǵan deıin QMA CVK boljamdy qarjy pıramıdasynyń qyzmetin toqtatqanyn jáne Qazaqstannyń 14 óńirinde júrgizilip jatqan tergeýler týraly málimdegen bolatyn.