Kaspi Bank aksıonerleri 25 qyrkúıekte ótken kezekten tys jalpy jınalysta 2025 jyl úshin jaı jáne artyqshylyqty aksıalarǵa 4000 teńgeden dıvıdend tóleýdi bekitti. Tólemder osy kúnnen bastap júrgiziledi, dep habarlaıdy infohub.kz saıty.
Sheshim týraly aqparat Qazaqstan qor bırjasynyń (KASE) saıtynda jarıalandy.
Banktiń 2025 jylǵy qarjylyq eseptiligine sáıkes, aksıalardyń 94,4%-y Kaspi Group-qa, taǵy 4,55%-y Kaspi.kz-ke tıesili. Qalǵan 1,05%-y ózge tulǵalar arasynda bólingen.
Jyl sońyndaǵy banktiń túpkilikti benefısıarlary: Baring Vostok qorlary — 22,98%, Mıhaıl Lomtadze — 22,34%, Vácheslav Kım — 20,52%, jarıa ınvestorlar — 30,3%, menedjment — 3,83%.
Dıvıdend alýǵa quqyǵy bar aksıonerlerdiń tizimi 24 qyrkúıekte jasaldy.
2025 jyldyń sońynda aınalymda 18 345 540 jaı jáne 372 484 artyqshylyqty aksıa boldy. Osylaısha, tólem kólemi 74,8 mlrd teńgeni quraıdy.
2026 jyldyń maýsym aıynyń sońynda Kaspi Bank aksıonerlerine ótken jyldyń qorytyndysy boıynsha aksıasyna 1600 teńgeden dıvıdend tólegen bolatyn. Onda dıvıdend tólemderiniń kólemi 29,95 mlrd teńge edi.
Kaspi Bank-tiń 2025 jylǵy taza paıdasy 571,5 mlrd teńge deńgeıinde qalyptasty.