Endi Qazaqstandaǵy bolashaq analar júktilik jáne bosaný boıynsha tólemderdi Kaspi.kz mobıldi qosymshasynda tikeleı rásimdeı alady. QR Eńbek jáne halyqty áleýmettik qorǵaý mınıstrligimen birlesip jańa sıfrlyq servıs iske qosyldy, dep habarlaıdy infohub.kz saıty.
Buryn tólem alý úshin HQO-ǵa baryp, qujattar tapsyryp, kezek kútý qajet bolatyn. Endi ótinimdi smartfonnan Kaspi.kz sýperqosymshasyndaǵy «Memlekettik qyzmetter» servısinde ońaı ári qarapaıym jiberýge bolady.
Kaspi.kz basshysy jáne negizin qalaýshy Mıhaıl Lomtadze: «Biz súıikti klıentterimizdiń ómirin jaqsartatyn servıster jasaǵandy unatamyz. Ásirese, ómirdiń mańyzdy sátterinde otbasylarǵa kómektesetin servıstermen jumys isteý erekshe qýantady. Kaspi.kz-te qazirdiń ózinde balanyń týý týraly kýáligin rásimdeýge, bala týýǵa baılanysty járdemaqylardy, 1,5 jasqa deıingi bala kútimi boıynsha tólemderdi, sondaı-aq kópbalaly otbasylarǵa arnalǵan járdemaqylardy alýǵa bolady. Endi bolashaq analar júktilik jáne bosaný boıynsha tólemderdi de rásimdeı alady. Memlekettik organdarǵa qazaqstandyqtar úshin memlekettik qyzmetterdi odan ári qarapaıym ári qoljetimdi etýge birlesip jumys isteý múmkindigi úshin alǵys bildiremiz. Al súıikti klıentterimizge senimderi jáne kún saıyn Kaspi.kz-ti tańdaǵandary úshin rahmet!» — dedi.
QR Eńbek jáne halyqty áleýmettik qorǵaý vıse-mınıstri Bahtıar Jazyqpaev: «Memleket kómektiń yńǵaıly ári qoljetimdi bolýy úshin barlyq sharalardy qabyldaýda. Bizdiń strategıalyq maqsatymyz — azamattardy qaǵazbastylyqtan jáne memlekettik organdarǵa barý qajettiliginen barynsha aryltý, ásirese júkti áıelder men analarǵa qatysty. Eń suranysqa ıe qyzmetterdiń birin kún saıyn mıllıondaǵan qazaqstandyqtar paıdalanatyn platformaǵa aýystyrý — sıfrlandyrýdyń memlekettik qoldaýdy ár adamǵa jaqyndatyp, qarapaıym ári ýaqtyly etetininiń aıqyn mysaly», — dep atap ótti.
Júktilik jáne bosaný boıynsha tólemderge onlaın-ótinimdi qalaı jiberýge bolatyny týraly tolyǵyraq Kaspi.kz mobıldi sýperqosymshasyndaǵy «Gıd» servısinen bilýge bolady.
Kaspi.kz mısıasy — súıikti klıentter men seriktesterdiń ómirin jaqsartatyn ınovasıalyq ónimder men servıster jasaý. Kaspi.kz servısterin Qazaqstan men Túrkıada 26 mıllıonnan astam klıent jáne 1 mıllıonǵa jýyq seriktes paıdalanady. Qazaqstanda Kaspi.kz sýperqosymshasy tólemderdi, elektrondy komersıany, onlaın-sýpermarketti, fıntehti, saıahattardy, habarlandyrýlardy, memlekettik qyzmetterdi jáne basqa da kúndelikti servısterdi biriktiredi. Túrkıada Kaspi.kz eldegi jetekshi elektrondy komersıa platformalarynyń biri Hepsiburada-ǵa ıe.
Kaspi.kz-te qazirdiń ózinde balanyń týý týraly kýáligin rásimdeýge, bala kútimi boıynsha járdemaqylardy jáne kópbalaly otbasylarǵa arnalǵan járdemaqylardy alýǵa bolady. Endi bolashaq analar júktilik jáne bosaný boıynsha tólemderdi de rásimdeı alady.