Reseılik zertteýshiler Kaspı teńizi alabynan ǵylymǵa beımálim eki jańa balyq túrin tapty. Onyń bireýi Qazaqstan jaǵalaýynan tikeleı tabylǵan, dep habarlaıdy infohub.kz saıty.
Balyq sý qoımasynyń shyǵys bóliginde aýlandy, ári múldem kútpegen jerden: ony sý jylanynyń aýzynan sýyryp aldy, jyrtqysh oljasyn ustap úlgergen edi.
Jańa túrge kaspı pýgolovochkasy (Benthophiloides caspius) degen ataý berildi. Ǵalymdar ony óte sırek kezdesetin túr sanaıdy, óıtkeni qazirge deıin birneshe daraq qana tabylǵan. Zertteýshiler olardyń DNQ-syn zerttep, Kaspıdiń basqa buzaýbas balyqtarymen salystyrdy. Sóıtip, bul buryn belgisiz túr ekeni anyqtaldy.
Ekinshi balyqty skıf buzaýbas-sýsıgi (Proterorhinus scythicus) dep atady. Ol teńizden emes, Edil atyraýy men Shyǵys Manych ózeninen tabyldy. Zertteýshilerdiń dereginshe, jańa túr kaspı buzaýbastaryna emes, Qara teńiz alabyndaǵy týystaryna jaqyn bolyp shyqty.
Ǵalymdar bul baılanys shamamen 2,1 mln jyl buryn Qara jáne Kaspı teńizderiniń alaptary arasynda ejelgi sý baılanysy bolǵandyqtan týyndaǵan dep boljaıdy. Sondyqtan jańa túr Qara teńiz jaǵalaýynda ómir súrgen skıfterdiń qurmetine atalǵan.
Jalpy, ǵalymdar kópten beri jan-jaqty zerttep kele jatqan aımaqtan jańa túrlerdiń jaqynda ǵana tabylǵany tańǵalarlyq. Bálkim, buryn olar baıqalmaǵan bolar, óıtkeni keıbir buzaýbas balyqtar bir-birine uqsas. Mundaı jaǵdaıda aldyńda jeke túr turǵanyn tek DNQ taldaýy arqyly anyqtaýǵa bolady.
Buǵan deıin Kursiv LifeStyle qytaılyq ǵalymdar ara buzaýbas balyǵynyń jańa túrin ashyp, ony ońtústikkoreıalyq ánshi Djennıdiń (Jennie) qurmetine BLACKPINK k-pop tobynyń atymen ataýdy uıǵarǵanyn jazǵan edi.