Kaspı teńizinde úsh er adam teńiz serýeninen oralmaǵan soń, aýqymdy izdeý operasıasy bastaldy. Qutqarýshylar keń akvatorıany tekserip, barlyq joǵalǵandardy tiri kúıinde tapty, dep habarlaıdy infohub.kz.
Keshe keshke 112 púltine Jańaózenniń úsh turǵyny «Kenderli» demalys bazasy mańynda teńizge shyǵyp, qaıtyp oralmaǵany týraly habar tústi. İzdeý-qutqarý jumystaryna Tótenshe jaǵdaılar mınıstrligi men Ulttyq qaýipsizdik komıtetiniń Shekara qyzmetiniń kúshteri men quraldary dereý jumyldyryldy. İzdeý barysynda qutqarýshylar jaǵaǵa ózdiginen júzip kele jatqan er adamdy taýyp, ony bortqa kóterip, qurlyqqa jetkizdi.
Qalǵan ekeýin túnde izdeýdi jalǵastyrdy. İzdeýdi túnniń qarańǵylyǵy men akvatorıanyń úlken aýmaǵy qıyndatty. Jumys tórt sektorǵa bólindi. Qutqarýshylar 20 shaqyrymnan astam akvatorıany, al áýe arqyly 70 shaqyrymnan astam aýmaqty tekserdi. Nátıjesinde qalǵan eki er adam jaǵadan 10 shaqyrym jerde izdeý tobymen tiri kúıinde tabyldy.
İzdeý-qutqarý operasıasyna barlyǵy TJM kúshteri men quraldary, UQK Shekara qyzmetiniń áskerı qyzmetkerleri men eriktiler tartyldy. Sondaı-aq «Qazavıaqutqarý» tikushaǵy men TJM-niń ushqyshsyz ushý apparattary jumyldyryldy.