Elordada aýdany 350 sharshy metrden asatyn elıtalyq kotej satyldy. Lottyń qorytyndy quny 353 mln teńgeni qurady, bul bastapqy baǵaǵa sáıkes keledi. Aıta keteıik, nysan qaıtarylǵan aktıv bolyp tabylady, dep habarlaıdy infohub.kz saıty.
Saýda-sattyqty uıymdastyrýshy — Qaıtarylǵan aktıvterdi basqarý kompanıasy. Múliktiń burynǵy ıesiniń aty-jóni jarıalanbaıdy. Aýksıon baǵany kóterý qaǵıdaty boıynsha ótti, alaıda bastapqy baǵa fınaldyq baǵamen sáıkes keldi — 353 839 564 teńge. Al nysannyń baǵalaý quny aıtarlyqtaı joǵary bolyp, 416 281 840 teńgeni qurady.
Lot derekterine sáıkes, kotej men sharýashylyq qurylystardy qosa alǵanda, barlyq ǵımarattardyń jalpy aýdany 497,60 sharshy metrge jetedi, al jer teliminiń aýdany — 0,4180 gektar. Múlik Astanadaǵy Saraıshyq aýdanynda ornalasqan. Úı 2005 jyly salynǵan.
Lotqa qosa berilgen fotosýretterge qaraǵanda, kotejdiń ishinde saýna, hammam, djakýzı jáne kamın bar, al aýlada shyny úı jabdyqtalǵan.