2026 jyldyń basynan beri Qazaqstanda adam saýdasynyń 85 faktisi toqtatylyp, zańsyz kóshi-qonnyń toǵyz arnasy joıyldy. Bul týraly Astanada ótken Túrki memleketteri uıymyna múshe elderdiń ishki ister mınıstrleriniń kezdesýi qorytyndysy boıynsha İshki ister mınıstrligi habarlady, dep jazady infohub.kz saıty.
Kezdesýdiń jekelegen baǵyttarynyń biri adam saýdasy men zańsyz kóshi-qonǵa qarsy is-qımyl boldy. İİM-de bul jumystyń tek osyndaı qylmystardy ashýǵa ǵana emes, sonymen qatar profılaktıka men zardap shekkenderdi qorǵaýǵa baǵyttalǵanyn atap ótti.
BUU-nyń Halyqaralyq kóshi-qon uıymymen birlesip, Qazaqstanda adam saýdasynyń qurbandaryn anyqtaý jónindegi is-qımyl algorıtmi ázirlenip, bekitildi.
İshki ister mınıstri Erjan Sadenov qylmystyq toptar zańsyz mıgranttardy zańdastyrý úshin túrli sqemalardy paıdalanyp jatqanyn málimdedi.
«Qylmystyq toptar mıgranttardy zańdastyrýdyń túrli sqemalaryn qoldanady — jalǵan jumysqa ornalastyrý, turǵylyqty jeri boıynsha tirkeý, jalǵan shaqyrýlar. Mundaı sqemalar kóbinese bir eldiń sheginen shyǵyp ketedi, sondyqtan olarǵa birlesip qarsy turý qajet», — dedi Sadenov.
Qazaqstan TMU elderine zańsyz kóshi-qon arnalary, olardyń uıymdastyrýshylary men tasymaldaýshylary, sondaı-aq adam saýdasynyń qurbandary týraly jedel aqparatpen turaqty almasýdy jolǵa qoıýdy usyndy.
Jeke usynys eńbek kóshi-qonyna qatysty. İİM basshysy eńbek mıgranttary arasynda qanaý belgilerin anyqtaýǵa kóbirek kóńil bólýge jáne osy baǵytta birlesken is-sharalar ótkizýge shaqyrdy.
«Bizdiń ortaq mindetimiz — jekelegen faktilerdi toqtatý ǵana emes, búkil tizbekti anyqtaý: uıymdastyrýshylar men deldaldardan bastap adamdardy tikeleı qanaýmen aınalysatyndarǵa deıin. Eń bastysy — qurbandardyń ózderin ýaqytynda anyqtap, qorǵaý», — dep atap ótti mınıstr.
Buǵan deıin «Kýrsıv» TMU elderiniń ishki ister mınıstrlerimen kezdesýde prezıdent Qasym-Jomart Toqaev quqyq qorǵaý salasyn odan ári reformalaý jáne túrki memleketteriniń qaýipsizdik salasyndaǵy yntymaqtastyǵyn kúsheıtý týraly málimdegenin jazǵan. Ol sondaı-aq Qaýipsizdik keńesiniń apparatyn qurý jáne Halyq Keńesiniń qurylatyny týraly habarlaǵan.