Jazda Qazaqstannyń aqyly trassalarynda 25,8 mln júris tirkeldi

Jaz mezgilinde Qazaqstannyń 28 aqyly jol ýchaskesinde kólik quraldarynyń 25,8 mln júrisi tirkeldi. Respýblıkalyq mańyzdaǵy eń tanymal trassalardy «QazAvtoJol» UK» AQ atady, dep habarlaıdy infohub.kz saıty.

Kompanıanyń Telegram-arnasynda naqtylaǵandaı, 1 maýsymnan 31 tamyzǵa deıin respýblıkalyq mańyzdaǵy joldarda kólikter táýligine orta eseppen 281 myńǵa jýyq júris jasaǵan.

Jazdyń eń júktelgen baǵyttary: Almaty — Qonaev — 4,3 mln-nan astam júris; Shymkent — Ózbekstan shekarasy — 2,68 mln júris; Shymkent — Taraz — 1,87 mln júris.

«Qozǵalys qarqyny Taraz — Qaınar, Astana — Temirtaý, Astana — Shýchınsk, Shymkent — Qyzylorda jáne Qonaev — Taldyqorǵan baǵyttarynda da joǵary boldy. Eń suranysqa ıe on ýchaskeniń ózine 18,2 mln-nan astam júris, ıaǵnı aqyly jelidegi jazǵy trafıktiń shamamen 71%-y tıesili», — dep atap ótti kompanıada.

«QazAvtoJol» dereginshe, avtokólik saparlarynyń geografıasy eldiń iri qalalary arasyndaǵy baǵyttarǵa da, tanymal týrısik jáne rekreasıalyq aımaqtarǵa baratyn baǵyttarǵa da suranystyń joǵary ekenin kórsetedi.

2026 jylǵy 1 maýsymnan 31 tamyzǵa deıingi júris sany boıynsha aqyly ýchaskeler reıtıńi:

Almaty — Qonaev — 4 310 266;
Shymkent — ÓR shekarasy — 2 682 324;
Shymkent — Taraz — 1 872 053;
Taraz — Qaınar — 1 815 796;
Astana — Temirtaý — 1 493 818;
Astana — Shýchınsk — 1 460 655;
Shymkent — Qyzylorda — 1 408 438;
Qonaev — Taldyqorǵan — 1 202 409;
Shýchınsk — Kókshetaý — 1 063 372;
Taraz aınalma joly (Qaınar — Shymkent) — 945 725;
Qostanaı — Denısovka — 853 586;
Astana — Pavlodar — 837 185;
Qaraǵandy — Balqash — Burylbaıtal — 788 183;
Almaty — Horgos — 767 108;
Kókshetaý — Petropavl — 591 025;
Qyzylorda — Aral — 567 233;
Pavlodar — Semeı — Qalbataý — 461 152;
Shý — Burylbaıtal — 392 358;
Aqtóbe — RF shekarasy (Orynbor) — 376 518;
Qandyaǵash — Maqat — 297 804;
Taldyqorǵan — Óskemen — 286 907;
Qostanaı — RF shekarasy (Troısk) — 281 813;
Úsharal — Dostyq — 267 250;
Pavlodar — RF shekarasy (Ombyǵa) — 262 766;
Oral — RF shekarasy (Samaraǵa) — 192 314;
Oral — RF shekarasy (Saratovqa) — 169 382;
Burylbaıtal — Qurty — 128 487;
Beıneý — Aqjigit (ÓR shekarasy).