Qazaqstandyq CCI Kazakhstan kompanıasy Coca-Cola sýsyndaryn quıýmen aınalysatyn álemdegi úzdik bottler retinde Candler Cup (Kandler Kýbogy) syılyǵyna ıe boldy. Bul marapat Coca-Cola júıesindegi eń úzdik bottlerge beriledi. Halyqaralyq baǵalaý qorytyndysy boıynsha 200-den astam kompanıanyń arasynda qazaqstandyq óndirýshi birinshi oryndy ıelendi, dep habarlaıdy infohub.kz.
Jeńimpaz jyl saıyn kóp kezeńdi irikteý nátıjesinde anyqtalady. Aldymen kompanıalar aımaqtyq kezeńnen ótedi, sodan keıin Eýropa, Taıaý Shyǵys jáne Afrıka, Soltústik jáne Ońtústik Amerıka, sondaı-aq Azıanyń úzdik ókilderi jahandyq fınalǵa shyǵady. Baǵalaý kezinde komersıalyq nátıjeler, oryndaý sapasy, bıznestiń damýy jáne operasıalyq tıimdilik eskeriledi.
2026 jylǵy irikteý qorytyndysy boıynsha birinshi oryndy CCI Kazakhstan ıelendi.
Qazir CCI Kazakhstan Almaty, Astana jáne Shymkent qalalarynda аlkogólsiz sýsyndar shyǵaratyn úsh zaýytty basqarady. Sonymen qatar, kompanıa Aqtóbede tórtinshi zaýytty salyp jatyr, bul Qazaqstandaǵy óndiristik qýatty arttyrýǵa múmkindik beredi.
CCI (Coca-Cola İçecek) — Anadolu Group quramyna kiretin túrik halyqaralyq sýsyn óndirýshi kompanıa. Kompanıa Túrkıa, Pákistan, Qazaqstan, Irak, Ózbekstan, Bangladesh, Ázirbaıjan, Qyrǵyzstan, Iordanıa, Tájikstan, Túrikmenstan jáne Sırıada jumys isteıdi.
CCI The Coca-Cola Company jáne Monster Energy Beverage Corporation kompanıalarynyń gazdalǵan jáne gazdalmaǵan sýsyndaryn óndiredi, taratady jáne satady. Anadolu Etap İçecek enshiles kompanıasy arqyly top shoǵyrlandyrylǵan jemis shyrynyn da óndiredi.
CCI-de barlyǵy 36 quıý zaýyty jáne jemis óńdeıtin úsh kásiporyn bar. Kompanıada 10 myńnan astam adam jumys isteıdi. Onyń ónimi shamamen 1,2 mıllıon saýda núktesinde usynylǵan, al naryqtaǵy halyqtyń jalpy sany 600 mıllıonnan asady. Portfel 25-ten astam brendti qamtıdy jáne gazdalǵan sýsyndar, shyryndar, sý, energetıkalyq jáne sporttyq sýsyndar, salqyn shaı men kofe kiredi.
Coca-Cola İçecek aksıalary Borsa Istanbul bırjasynda CCOLA tıkerimen satylady.