Sońǵy úsh jylda Qazaqstanda óndirilgen dárilik zattar men medısınalyq buıymdar naryǵynyń kólemi 40%-ǵa ósti, dep habarlaıdy infohub.kz.
Densaýlyq saqtaý mınıstrliginiń dereginshe, otandyq farmasevtıka ónimderi naryǵynyń kólemi 2023 jylǵy 139,8 mlrd teńgeden 2025 jyldyń qorytyndysy boıynsha 191,1 mlrd teńgege deıin ósti. Qazaqstandyq dárilerdiń naryqtaǵy úlesi 39,8%-ǵa jetti.
2026 jyldyń birinshi jartyjyldyǵynda otandyq kásiporyndar 126,6 mlrd teńgege dári-dármek pen medısınalyq buıymdar shyǵardy. Bul ótken jyldyń sáıkes kezeńimen salystyrǵanda 29%-ǵa, al 2023 jyldyń birinshi jartyjyldyǵymen salystyrǵanda 59%-ǵa joǵary.
Vedomstvo el ishinde dárilik zattar óndirisin uıymdastyrý boıynsha segiz iri ınvestısıalyq kelisimge qol qoıylǵanyn atap ótti.
Sonymen qatar, farmasevtıkalyq ónim eksportynyń ósýi baıqalady. 2026 jyldyń alǵashqy tórt aıynda onyń kólemi 38,5 mln dollardy qurady, bul ótken jyldyń sáıkes kezeńimen salystyrǵanda 60%-ǵa artyq.
Salaǵa ınvestısıalar da artyp keledi. 2025 jyldyń qorytyndysy boıynsha farmasevtıka ónerkásibine salynǵan ınvestısıa kólemi 142,8 mln dollarǵa jetti, bul 2024 jylmen salystyrǵanda 56%-ǵa kóp.
Buǵan deıin «Kýrsıv» senator Aınur Arǵynbekovanyń Májiliste otandyq farmsalany synǵa alǵanyn habarlaǵan. Ol sońǵy 10 jylda Qazaqstanda tek eki jeke preparat jasalǵanyn aıtty.