Qazaqstan quramasy Germanıada ótken kórkem gımnastıkadan álem chempıonatynda komandalyq esepte 11-orynǵa turaqtap, jarysty aıaqtady. Toptyq kópsaıysta qazaqstandyq gımnastshylar 13-orynǵa ıe bolyp, jeke jattyǵýlar fınalyna óte almady, dep habarlaıdy infohub.kz.
Toptyq jattyǵýlarda el namysyn Aızere Kenes, Jasmın Júnisbaeva, Krıstına Chepýlskaıa, Madına Myrzabaı, Aızere Nurmaǵambetova jáne Aıda Hakımjanova qorǵady.
Toptyq kópsaıysta eki baǵdarlama boıynsha qazaqstandyq komanda 51,050 upaı jınady. Bes doppen jattyǵýda olar 24,900 upaı, al úsh qursaý jáne eki jup kóldeneń taıaqshamen baǵdarlamada 26,150 upaı aldy. Bul nátıje sportshylarǵa 13-orynǵa turaqtaýǵa múmkindik berdi.
Toptyq kópsaıysta Ispanıa gımnastshylary 57,450 upaı jınap, álem chempıony atandy. Kúmis júldeni Japonıa (56,700), qolany Brazılıa (55,500) ıelendi.
Osy úsh qurama 2028 jyly Los-Andjeleste ótetin Olımpıada oıyndaryna alǵashqy toptyq lısenzıalarǵa ıe boldy. World Gymnastics kvalıfıkasıa erejelerine sáıkes, 2026 jylǵy álem chempıonatynyń qorytyndysy boıynsha toptyq kópsaıysta úzdik úsh el joldama alýy tıis edi.
Bes doppen jattyǵýda irikteý kezinde qazaqstandyq qurama 24,900 upaımen 13-orynǵa turaqtady. Fınalǵa shyǵý úshin úzdik segizdikke ený qajet boldy. Sońǵy ótkinshi oryndy 26,800 upaımen Brazılıa ıelendi.
Úsh qursaý jáne eki jup kóldeneń taıaqshamen baǵdarlamada Qazaqstan 26,150 upaımen 12-orynǵa turaqtady. Alaıda bul da medal úshin kúresti jalǵastyrýǵa jetkiliksiz boldy: segizinshi oryndy 27,250 upaımen Ózbekstan quramasy ıelendi.
Osylaısha, álem chempıonatynyń qorytyndy kúninde Qazaqstan toptyq jattyǵýlar fınalynda óner kórsetpeıdi.
Jeke irikteý jáne toptyq kópsaıys qorytyndysy boıynsha Qazaqstan barlyǵy 266,650 upaı jınap, jalpy komandalyq esepte 11-orynǵa turaqtady.
Birinshi oryndy beıtarap jalaýmen óner kórsetken Reseı quramasy 278,300 upaımen ıelendi. Kúmis júldeni Bolgarıa (276,050) alsa, úzdik úshtikti Qytaı (275,400) túıindedi. Qazaqstan úshinshi orynnan 8,750 upaıǵa qaldy.
Aldyńǵy kúni 16 jasar Aqmaral Erekesheva kópsaıys fınalynda 115,800 upaı jınap, altynshy orynǵa turaqtady. Jeksenbi, 16 tamyzda ol kóldeneń taıaqshalarmen jáne lentamen jattyǵýlar fınalynda óner kórsetedi.
Kórkem gımnastıkadan álem chempıonaty 12-16 tamyz aralyǵynda Frankfýrtte (Germanıa) ótip jatyr, oǵan 78 eldiń sportshylary qatysýda. Barlyǵy toǵyz medal jıyntyǵy oınalady. Qazaqstan quramasynyń quramy — myna jerde.
Mamyr aıynda Bishkekte ótken Azıa chempıonatynda Qazaqstan quramasy bes kúmis jáne tórt qola medal jeńip aldy.