Nepal men Qytaı shekarasyndaǵy tabıǵı apat aımaǵynda Qazaqstannyń úsh azamatshasy habar-osharsyz ketti, dep habarlaıdy infohub.kz saıty.
QR Syrtqy ister mınıstrliginiń resmı ókili Janbolat Úsenov óziniń Telegram-arnasynda Qytaı men Nepal shekarasyndaǵy apat aımaǵynda bolýy múmkin úshinshi qazaqstandyq týrıs týraly málimet túskenin habarlady. Qazaqstan dıplomattary eki eldiń memlekettik organdarymen ózara is-qımyl jasap, otandastardy izdestirý jalǵasýda.
Buǵan deıin Qytaı men Nepal arasyndaǵy shekaralyq ótkel aýmaǵynda jer silkinisinen keıin opyrylyp túsý bolǵany habarlanǵan bolatyn. Keıinnen qatty sý tasqyny myńdaǵan adamnyń joǵalýyna sebep boldy. İri sý tasqynynyń sebebi jer silkinisi men odan keıingi opyrylyp túsý dep atalyp otyr.
27 tamyzda Qytaıdan Nepalǵa týrısik top quramynda ótken qazaqstandyq týrısi izdeý bastalǵany belgili boldy. Aldyńǵy kúni sý tasqyny kezinde habar-osharsyz ketken taǵy bir azamatshany izdeý týraly aqparat paıda boldy.